MAZMUR 35:12 - KITAB NU TUMPU ALLA LELE MA'IMAI'

¹² Palabuatanku anu ma'ima' binalosanmo nu aha nu palabuatan anu ma'idek; aku nanabu'mo i uno nu putus asa.

MAZMUR 35:12 ပူးပေါင်းရင်းမြစ်များ

1 TAWARIKH 19:4

I Tomundo' Hanun nohakopmo posaihon mae i Daud haha aijo', jangkut nu aha kinisnyomo ka' ki longannyomo na baju' nu aha pinokodo'mo me tinoka i lampeokan, ka' sinainyomo na aha ninsusule'.

MAZMUR 142:5

Salatan aku nosiloi i sohipi'ku, madi' aku nontoa anu montulungi mae aku. Madi' ko anu monjagai mae aku, kabai anu mompalahatikan mae butongku.

MAZMUR 38:20

To mia-mian anu mongewa mae aku da'isan ka' to hoso-hoson, aha mongka'ideki mae jalan nu kantumuu'anku.

MAZMUR 38:21

Mian anu mombalosi ka'ima'an nu palabuatan ma'idek mongewamo mae aku, kalana aku na mombau ahi' palabuatan anu ma'ima'.

AMSAL 17:13

Ihe na mombalosi ka'ima'an nu palabuatan anu ma'idek; ka'idekan suele madi' opoko ala osabatakon lengkat ilaigannyo.

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

YOHANES 10:32

Panyo i Yesus notatae hi aha, “Komiu nontoamo Aku nombau manjoo' na hia anu ma'ima', anu pinalentahkon nu Tuuma hi beleng-Ku. Iwi-iwi' na hia aijo', iya na anu monsaduakon komiu mongka'oho'mo mombunu' Aku nu batu?”

1 SAMUEL 19:15

Panyo aha po ule'mule' pinalentah i Saul namba nokiijo' montoa i Daud da nutoa ahi' nu mata nu aha. Pinalentahnyo sumo uuka; “Boa mae na ia mo uuka, iwi-iwi' tiba tampat kinamale'annyo da ku pateimo.”

1 SAMUEL 25:21

Tempo'nyo aitu i Daud binapikinmo, “Madi' kokaliangannyo na aku monjagaiakon apa-apaa na anu nu mian aijo' i padang anu mateges aijo'! Mau ola sangkiding na anu nu mian aijo' madi' ko anu nolapus; panyo uuka aiya binalosannyo na ka'ima'anku nu ka'idekan!”