MAZMUR 34:5 - KITAB NU TUMPU ALLA LELE MA'IMAI'

⁵ Aku binalado'amo hi Tumpu, ka' tinaaman-Nyomo mae ka' madi'mo aku nabuhuk i iwi-iwi na anu okabuhuk.

MAZMUR 34:5 ပူးပေါင်းရင်းမြစ်များ

2 SAMUEL 19:5

I Yoab nambamo nangadap hi tomundo' ka' nompoto'i, “Sinaa aiya belento Tomundo' nongambangimo suludadu nu belento Tomundo' padahan ahamo na nompotuu' nyawa nu belento Tomundo', nyawa nu to ana-anak mo'ane ka' to bou-boune nu belento Tomundo', bengkele' tiba ambahue' nu belento Tomundo'.

ESTER 8:16

Mian nu Yahudi sinanangmo madi'mo nabuhuk, binilahimo ka' ilame'mo.

MAZMUR 13:3

Hipian na kopinnyo na aku tionyo ahi' montanggung kasusa'an, ka' mongoa'i susa' na kinyonyoa sansina-sinaa? Hipian na kopinnyo na aku nukuasai nu sampobali'ku?

MAZMUR 138:3

Salatan aku nongkakasemo hi Belento, Belento nontaamimo mae, pinohosonmo nu Belento na kinyonyoangku sahingga aku binaanimo.

MAZMUR 18:28

Mian anu madi' mintige-tige nuposalamat nu Belento, panyo mian anu lewa' kobubuun nupatundu' nu Belento.

MAZMUR 25:3

Anu madi' montapali Belento, na opopo'ambang panyo anu palesaya hi Belento na madi' ahi' ise-ise' na kinyonyoa.

MAZMUR 3:5

Aku nomoitamo tulung hi Tumpu; aita' mae i puge'-Nyo nu Tumpu anu susi' hondo tinaaman-Nyomo mae na aku.

MAZMUR 36:9

Sinukupmo na aha nongkaan anu nolabi-labimo i Laigan nu Belento tiba uee anu o'inum lengkat i kaunyo nu Belento anu sanang hondo na ingoa'anmo.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 83:16

Loloi'mo na aha nu antong daka' nu Belento, potolokengkeng na aha nu baleba' anu makansang hondo nu Belento.

MAZMUR 97:11

Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 60:5

Belemiu nontoa aijo', bangangmo ka' ohup nu beleyum lame'mo; beleyum sanangmo na kinyonyoa bilahimo. Halata' nu to bansa-bansa oboamo hi belemiu, kakaya'an anu lengkat mae i santoa nu ambai manjoo'mo atina' hi belemiu.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

1 SAMUEL 23:13

Lantas i Daud tiba suludadunyo kila-kila 600 na mian, lia-lia' nompala'imo Kehila ka' nambamo lengkat i tampat sa'angu' mamba i tampat sangga'at. Salatan i hongomo i Saul na i Daud nambamo nompela'imo Kehila, ia madi'mo nonsidahakon namba nontumbuhi.