MAZMUR 34:3 - KITAB NU TUMPU ALLA LELE MA'IMAI'

³ Aku binilahimo kalana palabuatan nu Tumpu; o'amalakon da mian anu sinansalamo mohongo mae ka' lame'mo.

MAZMUR 34:3 ပူးပေါင်းရင်းမြစ်များ

1 TAWARIKH 16:10

Olamo Ia na Tumpu Anu Sa'a-sa'angu'nyomo; balame-lame', kalana kita Ia na tumpunyo; iwi-iwi' na anu monsombah Ia tionyo ahi' lame'.

1 TAWARIKH 29:20

Noko lapas na binalado'a sumo aijo', pinoto'imo i Daud hi mian da'isan anu sinihukmo, “O puji' na Tumpu Allah nu belemiu!” Sahingga iwi-iwi' na mian lewa'mo nompuji' Tumpu, Tumpu Allah anu nu sombah nu mompolee' nu aha. Lantas aha tinolodadupumo nongadati Tumpu tiba i tomundo'.

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

MAZMUR 35:27

O'amalakon da mian anu kahanda' montoa aku opobee' na montaligalai ka' balame-lame'. O'amalakon da aha sabole-bole saja' montaloakon, “Totu'u ahi' talasanggo na Tumpu! Ia mongkahanda'i da salamat ahi' na posaihon-Nyo!”

MAZMUR 40:16

Sahanyo mian anu mongkokojoi mae aku tolokengkengmo ka' ma'ambangmo.

MAZMUR 66:8

Opuji' na Tumpu mami, o, to bansa-bansa, loobo'akon daka-daka' na belemiu mompuji' Ia!

MAZMUR 69:30

Panyo aku sinakisamo ka' nongoa'imo lanit, hangkatmo mae na aku o, tumpu ka' posalamatmo mae na aku.

MAZMUR 69:33

Montoa han aijo' mian anu sinakisamo lame'mo, mian anu monsombah Tumpu bilahimo.

YEREMIA 9:23

Tumpu notatae, “Mian anu pade madi' timbali buulon kalana kapandeannyo aijo' ka' mule' mian anu mahoson kalana kahosonannyo aijo' ka' mian anu kaya kalana kakaya'annyo aijo'.

YEREMIA 9:24

Ihe na mongka'oho buulonmo kalana apa-apaa, anu ahi' obuulakon aijo'mo ia monsumbu' ka' mompangalati'i Aku; tukoonyo ia monsumbu' taalu' Aku mongkalibosi sampe toka sidu-sidutu' ka' Akumo ahi' na nompodaagi' atulan tiba ka adilan idunia aiya. Iwi-iwi' aijo' momposanang mae kinyonyoang-Ku. Aku, Tumpu, na nompoto'imo aijo'.”

LUKAS 1:46

I Maria notatae, “Kinyonyoangku mompuji' Tumpu,

SISIKON NU TO RASUL-RASUL 19:17

Iwi-iwi' mian nu Yahudi ka' mian bansa sangga'at anu jojoong i Efesus nohongo apaa na anu tinimbalimo aijo', lantas aha i nabuhukmo. Sahingga sanggo i Tumpu Yesus pinaka puji-puji'mo.

FILIPI 1:20

Anu talalo ku ka'ima'i ka' kugagan aijo'mo da boli hondo-hondo aku madi' mingkaliangan i uno nu kalajangku. Panyo ahi' kugagan da iwi-iwi' na tempo' lebe-lebe mule' uuka aiya, aku timbali baani sahingga i uno nu kantumuu'anku – pa' aku tumuu' kabai silaka – i Kristus na opopodaka'.

ANU PINOTO'I HI YOHANES 14:7

Malaikat aijo' notatae daka-daka', “Pabuhukmo hi Tumpu Allah ka' o puji' na katalasanggoan-Nyo! Kalana tempo'nyomo na Tumpu momputusimo mian. O sombah na Ia anu nompotimbalimo langit, tano', ambai ka' iwi-iwi' na mata nu uee!”