MAZMUR 34:16 - KITAB NU TUMPU ALLA LELE MA'IMAI'

¹⁶ Tumpu mompalahatikan mian anu bala iman hondo, Nu potombihing de aha moloboo' momoita tulung.

MAZMUR 34:16 ပူးပေါင်းရင်းမြစ်များ

AYUB 18:17

Ia madi'mo sinumbu-sumbu' i unonyo kabai i sambiha' nu kota'; mau pe' samian madi'mo ko anu nonsumbu-sumbu' sanggonyo.

AYUB 36:7

To mia-mian anu hodi' na kinyonyoanyo saja' Nu palahatikan. nu potimbali na aha da balakuasa susumo to tomu-tomundo, sahingga aha o'adati sampe toka sidu-sidutu'.

MAZMUR 10:16

Tumpu mompalentah sampe toka sidu-sidutu' to bansa-bansa anu madi' monsumbu' Ia, saidi' mae madi'mo daagi' ko anu aijo' itano'-Nyo.

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

MAZMUR 33:18

Tumpu monjagai aha to mia-mian anu tulu-tulutan hondo anu talalo ahi' montaha'imani kalibosan-Nyo.

MAZMUR 94:9

Tumpu Allah na mombau bihing, iya mule' na ia madi' mohongo? Ia na nombau mata, iya mule' na Ia madi' montoa?

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.

AMSAL 15:29

Tumpu mompotombihing de ko mian anu manonong na balado'a; panyo Ia madi' mompajuli mian anu duluhaka.

ANU MOMPOLELE POTATAE NU TUMPU 8:10

Toho' mule' tinoangku na mian anu ma'idek na palabuatannyo sinilaka ka' ilamun. Panyo salatan mian ninsusule'mo lengkat mae i pinolamunan aha nompuji'mo ia i kota' tampat anu pinombauannyo han anu ma'idek. Jadi aijo' mule' madi' ko gunanyo.

YEREMIA 17:13

O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

YEREMIA 44:11

Mokonyo aijo' Aku, Tumpu Anu Balakuasa hondo, Tumpu Allah Israel, mongewamo belemiu ka' mohansunimo songko-songko na Yehuda.

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

AMOS 9:4

De aha nu boamo nu sampobali', Ku palentahje da aha opatei. Kahanda'-Ku da ohopu'imo na aha, ka' madi'mo montulungi aha.”