MAZMUR 34:15 - KITAB NU TUMPU ALLA LELE MA'IMAI'

¹⁵ patikojo'on ipalabuatan anu ma'idek, anu ma'ima' ahi' na saja' obau o'usahakan ahi' totu-totu'u na paladamean.

MAZMUR 34:15 ပူးပေါင်းရင်းမြစ်များ

2 TAWARIKH 6:40

Uuka aiya, O Tumpu Allah-ngku, toakon mae na kami ka' potombihingakon mae na do'a iwi-iwi' anu pinotokamo hi belento lengkat i tampat aiya.

AYUB 36:7

To mia-mian anu hodi' na kinyonyoanyo saja' Nu palahatikan. nu potimbali na aha da balakuasa susumo to tomu-tomundo, sahingga aha o'adati sampe toka sidu-sidutu'.

MAZMUR 130:2

O, Tumpu, potombihingakon mae na anu ku kakase, palahatikan mae na anu ku poita.

MAZMUR 33:18

Tumpu monjagai aha to mia-mian anu tulu-tulutan hondo anu talalo ahi' montaha'imani kalibosan-Nyo.

MAZMUR 34:17

Panyo mian anu mombau palabuatan anu ma'idek na Nu ka'ideki ahi'; de aha silakamo, aha sampa okolilimi.

MAZMUR 34:6

Mian anu sinansalamo nontaha'imanimo ia ka' ilame'mo aha madi'mo daagi' mohumpak ambang.

MAZMUR 37:27

Pala'imo na palabuatan anu ma'idek ka' baumo na anu ma'ima', sahingga sampe toka sidu-sidutu' lee' nu beleyum na monjojoongi tano' aijo'.

ZAKHARIA 8:16

Sumo uuka na palentah-palentah anu tionyo ahi' obau nu belemiu: De motatae tionyo ahi' anu totu'u na otaeakon hi sangko manusia. Mian kopian tionyo ahi' momputusi nu ka'adilan ka' momboa kadamean.

ZAKHARIA 8:19

“Puasa' anu obau nu belemiu toka i bitu'on ko opatnyo, ko olima'nyo, ko popitu'nyo tiba ko sampulu'nyomo timbalimo sinaa anu olame'akon ka' obau bila-bilahi, ka' timbali kasanangan nu mian anu jojoong i Yehuda. Ka'ima'i na kahondoan tiba kadamean!”

1 PETRUS 3:12

Kalana Tumpu saja' monginau' to mia-mian anu montuluti pongka'oho'-Nyo; ka' Tumpu saja' mohongo iwi-iwi' do'a nu aha; panyo Tumpu mongewa to mia-mian anu mombau ka'idekan.”