MAZMUR 34:11 - KITAB NU TUMPU ALLA LELE MA'IMAI'

¹¹ Sadang singa suele mo ohop de madi'mo ko anu okaan panyo mian anu monsombah Tumpu na madi' ahi' kakulangan.

MAZMUR 34:11 ပူးပေါင်းရင်းမြစ်များ

AYUB 4:11

Aha natemo susumo singa madi'mo ko anu o kaan, sahingga to ana-anaknyo nosungke-sungkehetmo pa' noyamo.

MAZMUR 107:9

Kalana Ia nompopuasmo mian anu i negotmo, ka' nombee'i molabi-labi mian anu no'ohopmo nu iwi-iwi' na anu ma'ima'.

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 112:3

Aha sa'anakan kayamo ka' madi'mo susa', ka' ia sanangmo na kantumuu'annyo sampe toka sidu-sidutu'.

MAZMUR 23:1

Mazmur i Daud. Tumpu sumomo samian anu saja'mo nolaya' aku, madi'mo ko anu kinulang hi belengku.

MAZMUR 32:8

Tumpu notatae, “Ku potiju'je na jalan anu tionyo ahi' nu jalani beleyum Ku taka'je ka' Ku pokinde'ije.

MAZMUR 66:16

Tokamo mae ka' potombihingmo, o, belemiu iwi-iwi' mian anu tulu-tulutan, da ku sisikakonje hi belemiu na anu binaumo nu Tumpu hi belengku.

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 22:6

Pangajali na samian na anak ijala-jalan nu kantumuu'an anu patut hi ia; sahingga de toka'mo na tempo'nyo de ia langkai'mo kabai bengkele'mo kantu-kantumuu'annyo montulutimo sumo aijo.

AMSAL 4:1

O to ana-anak, potombihing na pokinde' nu tuuma nu beleyum! O intomakon na aijo', sahingga beleyum timbali pande.

AMSAL 7:24

Kalana aijo' to ana-anak potombihing pe'e mae na aku. Palahatikan na to poki-pokinde'ku.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

AMSAL 8:32

Kalana aijo' potombihingakon mae na aku, o belemiu anu ma'isa langkai' ka' bengkele', Otuluti na anu ku poto'i da belemiu sanang na kantumuu'an.

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

YESAYA 28:9

Aha notusamo hi belengku, koonyo nu aha, “Ugaat koonyo pa' mongajan ihe? Daagi' ihe na mompalalui katalangan hi ia? Ugaat koonyo kita aiya daagi'anak ise' anu sala'je gina'at isusu nu tinanyo?

YOHANES 13:33

To ana-anak-Ku, Aku madi'mo daagi' piin na jojoong tiba miu. Olioje komiu na Aku, panyo sumo anu tinaloakon-Kumo hi anu mongkuasai Yahudi, sumo aitu suele na Ku taloakon hi komiu; i tampat kalambanan-Ku madi' opoko toka miu.

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.