MAZMUR 34:1 - KITAB NU TUMPU ALLA LELE MA'IMAI'

¹ Mazmur i Daud, tempo'nyo ia nimpula-pulamo madi'mo noko ala binapikin i ahop i Abimelekh, sahingga ia ila'mo lantas ia nambamo.

MAZMUR 34:1 ပူးပေါင်းရင်းမြစ်များ

KAJADIAN 20:2

ia nontaloakonmo tukoonyo i Sara bengkele'nyo aijo', te utusnyo ise'. Kalana aijo' i Tomundo Abimelekh lengkat mae i Gerar nonsaimo mae mian anu toka mae mompoboa i Sara da oboamo hi ia.

KAJADIAN 26:1

I lipu' aijo' po'ule' mule' tinoka na tempo' nu kasusa'an i anu okaan, susumo anu toho'mo jinadi tempo'nyo hi Abraham. I Ishak nangadapmo hi Abimelekh, tomundo nu aha mian nu Filistin anu kiijo' i Gerar, ka' nomoita da opobee' jojoong kiijo' mae.

MAZMUR 71:6

Sumo uukamo na kinopinno na aku tinumuu', aku ola saja' maninseha hi Belento; Belento nonjagaimo mae aku salatanmo pe'e aku i hampe, sahingga aku saja' mompuji' Belento.

MAZMUR 71:8

Aku saja'mo, mompuji' Belento, sansina-sinaa ku bebakon na katalasanggoan nu Belento.

AMSAL 29:25

Mabuhuk hi pongka'oho' nu mian, monsaduakon kasusa'an. Palesayamo hi Tumpu, sahingga beleyum madi'mo ko anu mompoposia.

SISIKON NU TO RASUL-RASUL 16:25

Kila-kila tonga' pahu, i Paulus ka' i Silas hau-haunyo balado'a ka' nonyanyi mompuji-puji' Tumpu. To mia-mian nu talungku' sangga'at hau-haunyo mompotombihing aha manyanyi.

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

EFESUS 5:20

Mau mule' pa' apaa tionyo komiu saja' montalima kase hi Tumpu Tuuma i uno nu sanggo i Yesus Kristus Tumpunto.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TESALONIKA 2:13

To Utu-utus anu nukalibosi nu Tumpu! Kami tionyo saja' mompoita talima kase hi Tumpu kalana komiu, kalana lengkat pe'e imoonanyo Tumpu nompile'imo komiu da o posalamat. Han aijo' jinadimo kalana Roh nu Tumpu na nokalaja hi komiu, da komiu timbalimo mian anu palesayamo hi Tumpu anu susi', ka' kalana komiu, pinalesayamo i lele anu totu'u lengkat mae hi Tumpu Allah.

1 SAMUEL 21:11

Hi Akhis pinoto'i nu to mia-mian anu kopangkatnyo, tukoonyo nu aha sumo uuka, “Temisa' aiyamo ia, na i Daud tomundo' i lipu' nu aha? Ka' temisa' iamo aiya na anu sinalelean nu to bou-boune tempo'nyo aitu ka' lewa' nonyanyi, 'Koonyo nu aha, i Saul nompateimo momada-madala na sampo bali' panyo i Daud mopulu-pulu' na madala?’ ”