MAZMUR 33:6 - KITAB NU TUMPU ALLA LELE MA'IMAI'

⁶ Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

MAZMUR 33:6 ပူးပေါင်းရင်းမြစ်များ

KAJADIAN 1:1

Momonanyo, salatan Tumpu nontampu'unimo nompotimbali songko-songko na dunia,

KAJADIAN 1:6

Lapas aijo' Tumpu notatae mule', “Timbalimo na sa' angu' bau pongompok, da bau pombagi uee aijo' timbali ohua', ka' da pongompok toto sa'angu' na uee aijo' anu binagimo ohua' na tampatnyo anu gina'atmo.” Lantas han aijo' tinimbalimo. Sumo aijom na Tumpu nombau pongompok anu nongga'atakonmo uee anu i aluknyo nu pongompok ka' uee anu i buannyo.

KAJADIAN 2:1

Lantas ilapasmo na nompotimbali songko-songko na dunia ka' iwi-iwi' na isinyo.

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

KAJADIAN 6:7

sahingga notataemo, “Ku silakaimo na manusia anu binaung-Kumo aijo', ka' suele iwi-iwi' na to tomo-tomonsi' ka' to bina-binatang sangga'at, kalana Aku nompele-pele'mo na nompotimbali aha.”

AYUB 26:13

Sawonyo nu Tumpu Allah monsauti langit, sahingga majingkamo hondo: limanyo nompateimo kotong nu ulo anu daka' hondo, anu kinoboli' nopalaimo.

AYUB 33:4

Roh nu Tumpu Allah na nompotimbalimo aku ka' nombee'imo kantumuu'an hi belengku.

MAZMUR 104:30

Panyo de aha nubee'imo nu Belento santuu', aha po'ule'mo opotimbali; Belento po'ule'mo, mombee'i kantumuu'an anu bu'ou i dunia.

MAZMUR 33:9

Kalana Ia notatae, lantas iwi-iwi' pinotimbalimo Ia nompalentahmo, sahingga iwi-iwi' daagi'mo.

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YEREMIA 8:2

misa' da oposihukmo ka' po ule'mo okubun panyo opojohokmo aijo' itano' susumo duhehe. Buku nu mian haha aijo' motanatamo nu pense' nu sinaa, bitu'on tiba to manda-mandala' anu nu anggapmo nu aha salaku pilogot, anu nu ka'ima'i nu aha, anu nu tuluti nu aha, anu nu sombah nu aha ka' anu pompoitan nu aha pokinde'.

YOHANES 20:22

Lantas Ia nompuuhakon sawo-Nyo hi aha ka' notatae, “Talimamo na Roh nu Tumpu.

ROMA 1:25

Tumpu anu totu'u, nubalosi nu aha tiba tulu-tulumo anu madi' totu'u. Misa' anu Nompotimbali, panyo anu pinotimbali, aijo'mo na nusombah ka' nupalesaya nu aha. Padahan ahi' anu Nompotimbali na tionyo o puji' sidu-sidutu'! Amin.

PO'ULE' INGULIT 4:19

Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.

IBRANI 11:3

Kalana bala'iman, sahingga osumbu'to na dunia aiya taalu' pinotimbali nu potatae nu Tumpu; jadi, apaa na anu otoanto, pinotimbalimo nu anu madi' otoanto.

2 PETRUS 3:5

Aha memang madi' mongka'oho' mongakui tempo'nyo naipuan mae Tumpu nompodaagi'mo langit ka' tano' ola kalana kuasa nu potatae-Nyo. Tano', uee na pinolengkatan-Nyo, ka' tiba uee;