MAZMUR 33:3 - KITAB NU TUMPU ALLA LELE MA'IMAI'

³ Nyanyiakon na nyanyian anu salaje' ingajan bau pompuji' Tumpu, kuti' ima-ima' na kasapi' ka' pontaligalai lame-lame'!

MAZMUR 33:3 ပူးပေါင်းရင်းမြစ်များ

1 TAWARIKH 13:8

Lantas i Daud ka' iwi-iwi' na bansa Israel lewa'mo nonsalelei ka' lewa'mo nonyanyi lame-lame' hondo bau pompodaka' Tumpu Allah ka' lewa'mo nongkuti' kasapi', nohapa'i labana, simbal, ka' lewa'mo nompuuhi tolompet.

1 TAWARIKH 15:22

I Kenanya pinile'anmo da mongkapalai anu mahaik musik aha mae tulunan nu bansa Lewi haha aijo', kalana ia pande hondo mahaik musik.

1 TAWARIKH 25:7

Aha uampulu' ka' opat na anak mo'ane nu aha haha aijo' ka' to julu-julu nu aha aijo'mo anu toto pande-pande i musik anu pinogulu'mo. Aha iwi-iwi' 228 na mian.

2 TAWARIKH 34:12

To mia-mian anu mokalaja mompokopiani aijo', totu-totu'u madi' baleko'. Anu mongkapalai aha 4 na mian nu Lewi: i Yahat, tiba i Obaja, aha mae sa'anakan i Merari, ka' suele i Zakharia tiba i Mesulam aha sa'anakan mae i Kehat. To mia-mian nu Lewi anu pande mahaik musik,

MAZMUR 144:9

Aku monyanyiakon hi Belento, o, Tumpu nyanyian anu sala'je ingajan, ka' onyanyiakon na mongkuti' kasapi'.

MAZMUR 149:1

Opuji' na Tumpu! Nyanyiakon na nyanyian anu sala'je ingajan bau pompuji' Tumpu, opuji' na Ia, ikasintomuan nu mian anu palesayamo hi Ia!

MAZMUR 40:3

Ihela'-Nyomo mae na aku da madi' nanabu' ibolo' anu mombahayaimo aijo', da madi' manabu' itampalang anu hensekon. Pinojoong-Nyomo na aku ibawo nu puge'nyo nu batu sahingga talakana' ahi' na aku kolangka-langkas.

MAZMUR 40:4

Ingajan-Nyomo na aku manyanyi nyanyian anu salaje' o'ajan, nyanyian bau pompuji' Tumpunto. Manjoo' na mian nontoa ka' nabuhukmo, lantas nompalesayamo Tumpu.

MAZMUR 96:1

Nyanyiakonmo na nyanyian anu sala'je ingajan bau pompuji' Tumpu! Panyanyimo puji' na Tumpu, o, belemiu songko-songko na dunia!

MAZMUR 98:1

Mazmur. Nyanyiakonmo hi Tumpu na nyanyian anu sala'je ingajan, kalana apa-apaa na anu binau-Nyomo talalo ahi' okabangangi! Ola samata-mata kakuasa'an ka' posi kahosonan-Nyo. Ia nohumpakmo ka'untungan na, nahampate.

YESAYA 42:10

Nyanyiakonmo hi Tumpu na nyanyian anu salaje' ingajan, puji'mo na Ia, o, belemiu songko-songko na dunia! Pombuhokmo mae o, ndalangon ka' iwi-iwi' na anu jojoong i unonyo, lipu' anu toto jo'o-jo'on ka' iwi-iwi' na anu monjojoongi!

EFESUS 5:19

Opake na potatae nu Mazmur, nyanyian pompuji-puji' ka' elok nu nyanyian rohani, i uno nu beleyum ko basi-basisik. Maunyo ahi' komiu mingkinyonyoa lame' na manyanyi mompuji' Tumpu.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

ANU PINOTO'I HI YOHANES 14:3

I ahop nu kasuhangan ka' opat na malaikat tiba to pola-polaya' anu nontikubi kasuhangan aijo', 144.000 na mian aijo' nonyanyiakonmo sa'angu' na nyanyian anu sala'je i nyanyi. Nyanyian aijo' madi' opoko ala ogulu'i mau mule' pa' ihe de misa' aha anu 144.000 na mian aijo' anu pinobebasmo mae i dunia.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.