MAZMUR 33:18 - KITAB NU TUMPU ALLA LELE MA'IMAI'

¹⁸ Tumpu monjagai aha to mia-mian anu tulu-tulutan hondo anu talalo ahi' montaha'imani kalibosan-Nyo.

MAZMUR 33:18 ပူးပေါင်းရင်းမြစ်များ

1 TOMU-TOMUNDO' 17:6

Panga'nyo nu kaunyo aijo' na ponginumannyo ka' anu nu kaan roti ka' ponoha' anu nu boa mae nu tomonsi' papaa' daagi' subu ka' de malommo.

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

EZRA 8:22

Aku mabuhuk na momoita hi tomundo suludadu anu monsake'i ajahan da monjagai kami da boli opoposia nu sampobali' hau-haunyo kami lumajang. Kalana pinoto'ingkumo hi ia, tukoongku Tumpu Allah mami mombalakati batu-batu mian anu monsombah Ia, panyo mongka'ideki ka' mohukum batu-batu mian anu madi' tulu-tulutan hi Ia.

AYUB 36:7

To mia-mian anu hodi' na kinyonyoanyo saja' Nu palahatikan. nu potimbali na aha da balakuasa susumo to tomu-tomundo, sahingga aha o'adati sampe toka sidu-sidutu'.

MAZMUR 111:5

Ia mombee'i anu okaan hi mian anu tulu-tulutan, ka' saja' monginau' palajanjian-Nyo.

MAZMUR 13:5

Boli opojohok mae na sampobali'ku motatae tukoonyo aha nohungku'imo mae aku. Boli opojohok mae na aha mongkokojoi mae aku.

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

MAZMUR 52:8

Montoa han aijo' mian anu bala'iman hondo jadimo mabuhuk, lantas mongkokojoimo beleyum ka' motataemo,

YEREMIA 37:21

Sahingga i Tomundo' Zedekia nompalentahkonmo da aku otalungku'mo i popasan nu nu laigan nu tomundo'. Jadi aku jinojoongmo ikiijo' mae, ka' sansina-sinaa obee'i roti anu o'alamae itampat pombauan roti sampe palasadia'an roti ikota' aijo' i ningkotmo iwi-iwi'.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

1 PETRUS 3:12

Kalana Tumpu saja' monginau' to mia-mian anu montuluti pongka'oho'-Nyo; ka' Tumpu saja' mohongo iwi-iwi' do'a nu aha; panyo Tumpu mongewa to mia-mian anu mombau ka'idekan.”