MAZMUR 33:16 - KITAB NU TUMPU ALLA LELE MA'IMAI'

¹⁶ Tomundo' madi' sanangkalana suludadunyo da'isan suludadu madi' salamat kalana aha mahoson.

MAZMUR 33:16 ပူးပေါင်းရင်းမြစ်များ

1 TOMU-TOMUNDO' 20:10

“Tomundo' mami nonsaimo mae suludadu manjoo' hondo toka mae mongidei kota nu belemiu, sahingga abu nu kota anu motoyo'mo aijo' me sangkakup na nukakup nu aha ka' nu boa nu aha. Ia binasumpa'mo da nu hukum nu to pilo-pilogot, ka' nu patei na ia, de han aijo' madi' nu bau!”

1 TOMU-TOMUNDO' 20:15

Sahingga i tomundo' nontipaha'imo to sulu-suludadu anu daagi' to oli-olitau na monsagalui to kapa-kapala da'erah. Iwi-iwi' aha 232 na suludadu. Lapas aijo' binaunyo mule' sumo aijo' na suludadu nu Israel. Iwi-iwi' aha 7.000 na mian.

2 TAWARIKH 13:8

Jadi uuka aiya osangka nu belemiu, belemiu moko alamo mongewa kakuasa'an anu binee'mo nu Tumpu hi lee' i Daud, kalana suludadu nu beleyum manjoo' ka' belemiu ko to sapi-sapi' mosoni' anu pinotimbalimo i Yerobeam pilogot nu belemiu.

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

2 TAWARIKH 20:23

Suludadu nu Amon ka' Moab montumbuhimo suludadu nu Edom, ka' nompateimo aha iwi-iwi'. Lapas aijo' aha nompaha pate-pateimo samian ka' samian.

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

AYUB 36:7

To mia-mian anu hodi' na kinyonyoanyo saja' Nu palahatikan. nu potimbali na aha da balakuasa susumo to tomu-tomundo, sahingga aha o'adati sampe toka sidu-sidutu'.

AYUB 39:11

Pa' timbali ahi' nutaha'imani na kahosonannyo, lantas nubee'mo nu beleyum hi ia na kalaja nu beleyum anu maboat hondo?

MAZMUR 20:8

Daagi' ko mian anu montakabunakon kaletanyo anu opake mahampate, daagi' mule' ko anu montakabunakon ajahannyo. Panyo kita montakabunakon kuasa nu Tumpu, Tumpu-nto.

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

NOSABATMO 14:28

Ambai tinolo ule'mo ka' nolomosimo to kale-kaleta, anu monsake'i ka' iwi-iwi' na suludadu nu Mesir anu nontu-nontumput mian nu Israel nokiijo' i totonga' nu ambai sahingga natemo iwi-iwi'.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

YEREMIA 48:14

Mosia na to momo'ane nu aha Moab daagi' motatae, ‘Kami talenga', suludadu anu baani' anu inguji'mo i uno nu pahampatean?’

YEREMIA 9:23

Tumpu notatae, “Mian anu pade madi' timbali buulon kalana kapandeannyo aijo' ka' mule' mian anu mahoson kalana kahosonannyo aijo' ka' mian anu kaya kalana kakaya'annyo aijo'.

HOSEA 10:13

Panyo beleyum nombaumo anu sabenannyo misa' aijo' na obau; beleyum ola nombau palabuatan anu ma'idek ka' nompadakmo palabuatan anu madi' adin. Beleyum nongkaanmo bua'nyo nu palabuatan hasin nu kabaleko'an nu beleyum.” Tumpu notatae mule', “O bansa Israel, kalana belemiu montakabunakonmo kareta haha aijo' anu opake mahampate ka' mule' konjoo'nyo nu suludadu nu belemiu,

AMOS 2:14

Anu talalo hondo malia' na mopadeka', madi'mo ko ala mopalai; anu mahoson madi'mo mahoson. Ka' mian anu baani madi'mo noko posi posalamat butongnyo.

AMOS 2:15

Anu topo pana' madi'mo daagi' moko tahan anu, mopadeka' malia' madi'mo daagi' moko ala mompalaiakon butong ka' anu monsake'i ajahan madi'mo ko kaluputannyo.

YOSUA 14:12

Kalana aijo', bee'mo mae uuka aiya na da'erah nu bungkutnyo anu jinanji'mo nu Tumpu hi belengku tempo'nyo aku tiba to mia-mian anu hingga-hinggat tiba aku ninsusule'mo mae ka' nomboa mae lele ka' pinoto'imo. Tempo'nyo aitu posi belentomo na nohongo, saba' kiijo' mae daagi' ko bansa anu toto daka-daka' osanggohi bansa Enak. Aha jojoong i kota toto daka-daka' anu pinagan nu mesen. Ihe na monsumbu' Tumpu montulungije aku, sahingga ku poko ala na molaa' aha susumo anu pinoto'imo nu Tumpu.”

TO MIA-MIAN KOPIAN 7:2

Tumpu notataemo hi Gideon, “Anu monsangalui beleyum talalo manjoo'. Aku madi' mombee'i ka'untungan mahampate hi aha mongewa mian nu Midian, kalana dumo nusangka' nu aha tukoonyo aha inguntung na nahampate kalana posi kahosonan nu aha, sahingga aha madi'mo mompuji' Aku.

TO MIA-MIAN KOPIAN 7:4

Lantas Tumpu po'ule' mule' notatae hi Gideon, “Anu monsangalui beleyum daagi' talalo manjoo'. Boa na aha i kaunyo. Ikiijo' mae ku pile'i na aha ihe na anu monsangalui beleyum. De Ku poto'i hi beleyum, 'Mian aijo' tionyo ahi' mamba tiba beleyum,' ia tionyo ahi' mamba. Panyo de Ku poto'i, 'Mian aijo' madi' timbali mamba tiba beleyum,' ia madi' timbali mamba,”

1 SAMUEL 17:4

Sahingga daagi ko samian anu baani na mahampate, sanggonyo i Goliat lengkat mae ikota' Gat nosabatmo mae i kemah nu aha mian Filistin da mongewamo eha mian no Israel. Kotangkasnyo kila-kila totolu' na meten,

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.