MAZMUR 33:13 - KITAB NU TUMPU ALLA LELE MA'IMAI'

¹³ Kiita' mae i suluga' Tumpu montoa mokaiyong, ka' Nu toa iwi-iwi' na manusia.

MAZMUR 33:13 ပူးပေါင်းရင်းမြစ်များ

KAJADIAN 6:12

Tumpu Allah nontoa dunia aijo' me saja' nontoa anu toto ide-idek, kalana manusia iwi-iwi' na'idekmo na kantumuu'annyo.

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

AYUB 11:11

Nusumbu' hondo nu Tumpu Allah na mian anu baleko'; anu ma'idek na nubau nu aha madi' ka' madi' nutoa ahi' nu mata-Nyo.

AYUB 28:24

kalana ia na montoa-toa puusnyo nu tano'; sinin na anu i patunyo nu langit timbali Nu potomatakon.

MAZMUR 102:19

Tulismo iwi-iwi' na palabuatan nu Tumpu da nubasa' nu lee' to anu aiya mae i ahop, da bansa anu ma'isa pe'e pinohampe timbali mompuji' Ia.

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 14:2

Lengkat kiita' mae i suluga' Tumpu montoa mokaiyong manusia molio mian anu pande na monsombah Ia.

MAZMUR 53:2

Mian anu ponga' hondo motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati; madi'mo daagi' ko anu nombau palabuatan anu ma'ima'.

MAZMUR 66:7

Ia baani hondo na mompalentah ka' kopinnyo, sampe toka sidu-sidutu'. Iwi-iwi' na bansa nujagai nu Tumpu, da anu lewa' mombau gau' ma'idek madi' timbali ko bubuun hi Ia.

AMSAL 15:3

Tumpu montoa iwi-iwi' anu jinadimo iyaya mae na tampat; Ia mompalahatikan iwi-iwi anu ma'ima' kabai anu ma'idek.

MOHAANGI 3:50

sampe Belento, O Tumpu i suluga', mompalahatikan mae kami.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.