MAZMUR 33:12 - KITAB NU TUMPU ALLA LELE MA'IMAI'

¹² Mohumpak kantumuu'an ma'ima' na bansa anu mongakui Tumpu salaku Tumpunyo, mohumpak kantumuu'an ma'ima' na mian anu pinile'an-Nyomo ka' Iamo na tumpu-Nyo!

MAZMUR 33:12 ပူးပေါင်းရင်းမြစ်များ

2 SAMUEL 20:19

Kota' mami Abel aiya daka', sala'sa'angu' na kota anu madi' lewa' mombau kahengge'an ka' tulu-tulutan hondo aiya i tano' nu Israel. Kadaka' belento Tuan ko tanga'anmo mongidei? Te ko kahanda'mo na belento Tuan mongidei tano' nu Tumpu?”

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 144:15

Mohumpak kantumuu'an ma'ima' na bansa anu sumo aijo, mohumpak kantumuu'an na mian anu Tumpu-nyo, aijo'mo na Tumpu!

MAZMUR 28:9

Posalamatakon mae na mian anu palesayamo hi Belento, o Tumpu, balakatiakon mae na to mia-mian anu Belentomo na tumpunyo. Jadimo ahi' susumo samian na polaya' aijo' hi aha, ka'jagaiakon na aha sampe toka sidu-sidutu'.

MAZMUR 65:4

Dosa'ku iwi-iwi' naboatmo hondo hi belengku, panyo ingampunanmo nu Belento.

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.