MAZMUR 33:10 - KITAB NU TUMPU ALLA LELE MA'IMAI'

¹⁰ Tumpu madi'mo nompojadi tanga'an nu to bansa-bansa, Ia madi'mo nompobee' niat nu aha.

MAZMUR 33:10 ပူးပေါင်းရင်းမြစ်များ

KAJADIAN 11:8

Sumo aijo' na Tumpu nongga'a-ga'atakon aha namba i songko-songko na dunia. Lantas aha madi'mo nompotinjo kota aijo'.

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 15:34

Panyo beleyum montulungi mae ahi' aku, de beleyum minsusule'mo i kota' ka' basisik hi Absalom, nu poto'i sumo uuka: uuka aiya beleyum montulutimo ia ma'i-ma'ima' ka' mombaumo apa-apaa na anu opalentahkon susumo beleyum nontulutimo palentah nu tuumanyo u'utu mae. Tiba jalan anu sumo aijo' iwi-iwi' na pokinde' i Ahitofel madi'mo mingkaliangan.

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

2 TOMU-TOMUNDO' 6:9

Panyo i Elisa nompolelemo hi tomundo' Israel salaku nompokinde'i ia da boli mamba i tampat aijo' kalana mian nu Siria haha aijo' biasa montulu jalan i kiijo'.

NEHEMIA 4:9

Kalana aijo' kami binalado'amo hi Tumpu Allah mami ka' nonjagaimo kota' aijo' mau sinaa mau malom.

MAZMUR 140:8

O, Tumpu, Tumpungku, anu momposalamat aku ka' mahoson Belento nonjagaimo mae aku tempo'nyo nahampate.

MAZMUR 21:11

Lee' mae nu aha madi'mo ko anu tontuha' nupateimo i tomundo' na aha iwi-iwi'.

MAZMUR 9:15

da ku puji' na Belento i ahop nu mian anu jojoong i Yerusalem. Aku montaligalaimo kalana lame'mo kalana Belento nomposalamatmo aku.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YESAYA 19:3

Apaa na anu nu tanga'imo nu aha Mesir, Ku baumo da madi'mo jadi ka' mompohentemo kinyonyoa nu aha da aha madi'mo kosumangat. Aha momoitamo tulung hi pilogot nu aha, momoitamo pokinde' ka' pikilan hi to sando-sando tiba hi to tomi-tominuat pa' apaa na anu timbali obau.

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YEREMIA 19:7

Itampat aiya madi'mo Ku pojadi' na tanga'an iwi-iwi' nu aha mian Yehuda tiba mian anu jojoong i Yerusalem. Aha Ku popilayamo da nu patundu'mo nu to sampo-sampobali' nu aha ka' opateimo i uno nu pahampatean. Bangke' nu aha Ku pojohokmo da nu tolukmo nu to tomo-tomonsi' tiba binatang anu mahangas.

YEHEZKIEL 20:32

Belemiu kahanda' mongkakanai bansa-bansa sangga'at ka' mule' mian anu jojoong ilipu' sangga'at anu monsombah kau' tiba batu. Panyo apaan anu nu kahanda'i nu belemiu atina' madi' nu humpak nu belemiu'.’ ”

MALEAKHI 1:4

De bisuanyo lee' mae i Esau, aha mian nu Edom haha aijo' motatae, “Iwi-iwi na kota' mami ihansunanmo panyo po ule'mo obau mami,” han aijo' nu taamimo nu Tumpu, “Aha timbali po ule' mombau panyo po ule' Ku hobo'akon. Aha osanggohimo ‘Lipu' anu palaganta’ ka' mule ‘Bansa anu tinambuha'anmo nu Tumpu sampe sidu-sidutu.’ ”