MAZMUR 32:8 - KITAB NU TUMPU ALLA LELE MA'IMAI'

⁸ Tumpu notatae, “Ku potiju'je na jalan anu tionyo ahi' nu jalani beleyum Ku taka'je ka' Ku pokinde'ije.

MAZMUR 32:8 ပူးပေါင်းရင်းမြစ်များ

KAJADIAN 24:48

Aku dinumaladupumo nonsombah ka' nompuji'mo Tumpu, Tumpu Allah nu tuanku i Abraham. Ia nolaya'mo mae aku tinoka-toka i aiya, hi sampoto utusan nu tuanku sahingga aku nongkabotmo langkoyang aiya bau bengkele' nu anaknyo.

2 SAMUEL 22:33

Iamo na Tumpu Allah anu nompohosonmo aku sahingga aku lumajang madi'mo ko anu mompoposia.

1 TOMU-TOMUNDO' 8:36

ka' ampuniakon mae na dosa' nu mian Israel anu pinalesayamo hi Belento tiba tomundo' nu aha. Pokinde'iakon na aha da mombau apaa na anu totu'u. Lapas aijo' Tumpu tudunakonmo mae na ujan i lipu' nu Belento aiya, lipu' anu binee'mo nu Belento hi mian anu pinalesayamo hi Belento da timbali anu nu aha sampe toka sidu-sidutu'.

MAZMUR 143:8

De subu-subumo po'ingatakon mae hi belengku na kalibosan nu Belento, kalana olamo Belento na anu ku taha'imani. Potiju'akon mae hi belengku na jalan anu tionyo ahi' ku jalani, kalana olamo hi Belento na anu pompotokanku do'a.

MAZMUR 25:12

Tumpu nompokinde'imo mian anu palesayamo jalan anu tionyo otului.

MAZMUR 33:18

Tumpu monjagai aha to mia-mian anu tulu-tulutan hondo anu talalo ahi' montaha'imani kalibosan-Nyo.

MAZMUR 34:11

Sadang singa suele mo ohop de madi'mo ko anu okaan panyo mian anu monsombah Tumpu na madi' ahi' kakulangan.

AMSAL 3:1

Boli okolilimi na anu ingajankumo hi belemiu, o anakku. Saja' o'inau' na anu pinalentahkonkumo,

YESAYA 48:17

Koonyo nu Tumpu nu Israel anu susi' anu Momposalamatmo beleyum, “Akumo na Tumpu nu beleyum anu nompogulu'mo hi beleyum apaa na anu mingguna hi beleyum, ka' nompotiju'mo beeyum jalan anu tionyo ahi' otului.

YESAYA 49:10

Aha madi'mo megot ka' mo'ohop, ka' madi'mo nu kona nu singit ipadang tampat anu mateges. Kalana Tumpu mongkalibosimo aha ka' mompotiju'mo aha, ka' montaka'mo mamba i mata nu uee.

NOMBILANGMO 9:22

De kundom aijo' daagi' mohohungi Kemah nu Tumpu, pa' uansinaa, sambitu'on, sataun kabai molabi, tempo'nyo aijo' aha tionyo ahi' jojoong i tampat aijo'. De kundom aijo' moliba'mo, atina'je ka' aha mambamo.

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.