MAZMUR 32:11 - KITAB NU TUMPU ALLA LELE MA'IMAI'

¹¹ O to mia-mian anu bala iman, bila-bilahimo ka' balame-lame'mo, kalana nongoa'imo apaa na anu binaumo nu Tumpu. Pontaligalaimo ka' bilahimo, o iwi-iwi' na mian anu madi' tageo' na kinyonyoanyo!

MAZMUR 32:11 ပူးပေါင်းရင်းမြစ်များ

MAZMUR 125:4

O, Tumpu, kanonongimo nu mian anu manonong hi mian anu hodi' na kinyonyoanyo.

MAZMUR 32:2

Mohumpak ka'ima'an na kantumuu'an nu mian anu palabuatannyo ma'i-ma'idek madi'mo nu palahatikan nu Tumpu ka' suele anu madi' ka'oho' mongakali.

MAZMUR 33:1

O to mia-mian anu bala iman hondo, pontaligalaimo ka' lame'mo kalana nongoa'imo apaa na anu binaumo nu Tumpu; tionyo ahi' na mian anu madi' tageo' na kinyonyoanyo mompuji-puji' Tumpu.

MAZMUR 5:11

Hukumo na aha o Tumpu, pobakas da aha silakamo kalana posi tanga'an nu aha na monsaduakon. O laa' na aha kalana nanjoo'mo na dosa' nu aha, kalana aha notomuhukmo hi Belento.

MAZMUR 64:10

Lantas iwi-iwi' na mian mabuhukmo; aha mompotutugakonmo apaa na anu binaumo nu Tumpu ka' mombebakonmo apaa na anu binau-Nyomo.

MAZMUR 68:3

Tumpu nolaa'mo aha, sumomo tibuk pinuhakonmo nu mombun ka' madi'mo tinoatoa. Sumomo tahu' i noe'mo kalana napanasmo nu apu sumomo aitu na mian anu ma'idek na kinyonyoanyo madi'mo otoa-toa i ahop nu Tumpu.

MAZMUR 7:10

Bolimo opobee' na kalakuan nu mian anu ma'idek aijo'mo mian anu palagaga ka' pododoakon na kinyonyoa nu mian anu ma'ima' na kinyonyoanyo kalana Belento Tumpu anu adin, anu moko ala mongkiop hondo kinyonyoa nu mian ka' pikilan nu manusia.

MAZMUR 97:1

Tumpu aijo'mo na Tomundo'! Dunia tionyo ahi' balame-lame'mo ka' iwi-iwi' na togong suele ahi' balame-lame'mo.

MAZMUR 97:12

Balame-lame'mo, o to mia-mian anu hodi' na kinyonyoanyo, kalana nontaupmo apaa na anu binaumo nu Tumpu, ka' pontalima kasemo hi Tumpu anu susi' hondo.

MAZMUR 98:4

Lewa' otaligalai na Tumpu, o belemiu songko-songko na dunia! O puji' na Tumpu nu nyanyian ka' lewa' montaligala lame-lame'.

ZAKHARIA 4:7

Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

FILIPI 3:1

Ahennyo to Utu-utusku, tionyo ahi' komiu lame'mo kalana komiu nosa'angu'mo tiba Tumpu. Aku madi' mongoa'i lawe na mongulit apaa na anu tinuliskumo ka' pinakatungkumo hi komiu momonanyo mae; kalana han aijo' ma'ima' da bau kasalamatan miu.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

1 SAMUEL 2:1

Lantas i Hana binalado'amo, ia notatae, “Tumpu nompolame'mo kinyonyoangku; anu binau binauNyo nomposanangmo santu'ku. Sinanangmo na aku mompopo ambang sampo bali'ku, kalana totu-totu'u Tumpu Allah nontulungimo mae aku.