MAZMUR 31:3 - KITAB NU TUMPU ALLA LELE MA'IMAI'

³ potombihingakon mae na aku ka' sampamo mae pobebas na aku lia-lia'. Potimbalimo mae susumo bungkutnyo nu batu hi belengku da bau pihohunganku susumo benteng anu mahoson tampat kasalamatanku.

MAZMUR 31:3 ပူးပေါင်းရင်းမြစ်များ

NEHEMIA 9:12

Kundom binaumo pinohohungi nu belento aha de sinaamo. Ka' de pihimo na aha lumajang nu jingkaimo nu belento nu apu.

NEHEMIA 9:19

Panyo i padang anu mateges aijo' aha madi' ahi' pinala ian nu Belento, kalana Belento talalo ahi' mongkalibosi. Kundom anu tinumatampokmo ka' mule' apu madi'mo ingalinan nu Belento. Binaumo pompotiju'jalan nu aha sinaa ka' mule' pihi.

MAZMUR 102:3

Boli ola mosiloi panyo tonto'i mae na aku de aku i unomo nu kasusa'an. Potombihingakon mae de aku mongkakasemo ka' taami mae lia-lia' na aku.

MAZMUR 116:2

Nu hongo mae na aku, de aku mongkakasemo hi – Ia.

MAZMUR 139:24

Toa mae pa' ko anu ma'idek i uno nu butongku, ka' laya' mae na aku i jalan anu sampe toka sidu-sidutu'.

MAZMUR 18:2

Ku ka'ima'i na Belento, o Tumpu, Belentomo na tinimbali kahosonanku.

MAZMUR 25:11

O Tumpu, ampuniakon mae na aku susumo anu jinanji'mo nu Belento, kalana dinaka'mo hondo na kasala'anku.

MAZMUR 25:5

Pokinde'i mae ka' potinganakon mae na aku da tumuu' mombatuki pongka'oho' nu Belento, kalana Belentomo na Tumpu anu momposalamat aku, aku saja' montaha'imani Belento.

MAZMUR 25:9

Tumpu na mompotingaan mian anu madi' kobubuun, ka' mompokinde'imo aha mosia na pongka'oho'-Nyo.

MAZMUR 43:3

Potoamo mae na kanonongan nu Belento bau ponjingkai mae ka' mule' montaka aku, da aku minsusule'mo i Sion, puge'nyo nu Belento anu susi' ka' mambamo i Laigan kakajoongan nu Belento.

MAZMUR 71:3

Potimbalimo mae susumo bungkutnyo nu batu na belento da bau pihohunganku, anu dengke, na saja' ku poko ala ku sahak. Kalana Belento nontantukanmo momposalamat aku, Belentomo na bau pihohunganku ka' pingkonganku.

MAZMUR 79:9

Tulungiakon mae na kami o, Tumpu, Anu momposalamat mae kami, ampuniakon mae na dosa' mami iwi-iwi' ka' pobebasmo mae na kami da Belento o holomati.

YESAYA 49:10

Aha madi'mo megot ka' mo'ohop, ka' madi'mo nu kona nu singit ipadang tampat anu mateges. Kalana Tumpu mongkalibosimo aha ka' mompotiju'mo aha, ka' montaka'mo mamba i mata nu uee.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

YOSUA 7:9

Mian nu Kana'an ka' iwi-iwi' mian sangga'at i da'erah aiya mohongomo apaa na anu jinadimo aijo'. Aha montumbuhimo mae ka' mompateimo kami iwi-iwi'! Lantas apaamo na anu obau nu belento Tumpu da kita sabole-bole ahi' o angga'i?”