MAZMUR 31:22 - KITAB NU TUMPU ALLA LELE MA'IMAI'

²² O puji' na Tumpu' Talalo ahi' okabangangi na kalibosan-Nyo hi belengku, tempo'nyo aku tinikumo ka' tinumbuhanmo.

MAZMUR 31:22 ပူးပေါင်းရင်းမြစ်များ

AYUB 35:14

O Ayub, pakaluas mule' de beleyum motatae tukooyum beleyum madi' nontoa Ia, saba' han anu atina' hi beleyum hau-haunyomo i ahop-Nyo ka' beleyum montanda'imo Ia!

MAZMUR 116:11

De aku bingungmo aku motataemo, “Madi'mo ko samiannyo na timbali opalesaya.”

MAZMUR 17:7

Potoa mae na kalibosan nu Belento anu talalo hondo okabangangi kalana nuposalamat nu Belento na mian anu mihohung hi Belento, i sohipi' nu Belento madi' ko anu mompoposia aha ka' madi'mo ko anu molambani mae na sampobali' nu aha.

MAZMUR 31:17

De timbali Belento sanang mae ahi' hi posaihon nu Belento aiya; posalamatakon mae na aku nu kalibosan nu Belento.

MAZMUR 6:9

Lambamo, na belemiu to mia-mian anu ma'idek na kinyonyoanyo, kalana Tumpu nohongomo mae aku i humang.

MAZMUR 66:20

Aku mompuji'mo Tumpu Allah kalana Ia nombee'imo mae apaa na anu pinoitangkumo i do'angku, ka' madi' kokamingkotannyo na mongkalibosi mae aku.

MAZMUR 88:16

Daagi' pe'e ise-ise' na aku sinansalamo, ka' iyoo'mo nu kasilakan, aku madi'mo kinogawe apa-apaa na montanggung hukuman nu Belento.

YESAYA 49:14

Panyo mian anu jojoong i Yerusalem notataemo, “Tumpu nompala'imo kita, Tumpunto nongkolilimimo kita.”

YESAYA 6:5

Lantas aku notataemo, “Silakamo! Madi'mo daagi ko anu ku taha'imani kalana nganga'ku nahenyumo nu dosa' ka' aku jojoong hi aha bansa anu suele susumo aijo'mo. Maumo sumo aijo' posi matangkumo na nontoa Tomundo', aijo'mo Tumpu Anu Daka' na Kuasanyo!”

YEHEZKIEL 37:11

Tumpu Allah notataemo mae hi belengku, “O manusia anu madi' tumuu' batu, buku haha aiya molambangakon bansang Israel. Aha nososonmo koonyo nu aha, aha nanggasmo madi'mo daagi' ko anu otaha'imani isinaa aiya mae i ahop.

YUNUS 2:4

I unonu kinyonyoangku aku nosi potataemo: Tumpu nola'mo aku aiya da bolimo ko anu daagi i ahop-Nyo. Madi'mo daagi aku montoa laigan kajojoongan-Nyo anu susi'.

LUKAS 11:10

Kalana mian anu momoita, montalima; mian anu molio, mohumpak; ka' mian anu mongkutetek otuhea'akonje na tumban.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

1 SAMUEL 23:26

I Saul tiba suludadunyo notulu i sohipi' nu bungkutnyo sasu aiya, padahan i Daud tiba suludadunyo i sohipi'nyo sasu kiijo' mae. I Daud lia-lia' na nopalai nompala'i i Saul anu nontumbuhimo mae kahanda'mo mohakop aha.

1 SAMUEL 25:32

Lantas notataemo na i Daud hi ia, “O puji' na Tumpu Allah Israel anu nonsaimo mae beleyum nonsingkaboti aku sinaa aiya!

1 SAMUEL 27:1

I Daud binapikinmo i uno nu kinyonyoanyo, “Maumo pa' mosiamo, memang i sinaa sangga'at aku tionyo ahi' nu pateimo i Saul. Jadi madi'mo ko jalan sangga'at na ku ala, ola ahi' mopalaimo mamba i lipu' nu aha mian Filistin.”