MAZMUR 31:20 - KITAB NU TUMPU ALLA LELE MA'IMAI'

²⁰ Talalo ahi' manjoo' na kanonongan nu Belento anu pinosadiamo nu Belento bau bagi nu mian anu palesaya! Batu-batuu mian nontoamo kanonongan anu binaumo nu Belento, kona hi aha anu mihohung hi Belento.

MAZMUR 31:20 ပူးပေါင်းရင်းမြစ်များ

AYUB 5:21

Beleyum ojagai da boli nu kona nu pitana' ka' oka'ideki nu mian; beleyum mongahopi balaa' anu montokai mae madi' mabuhuk.

MAZMUR 10:2

Mian anu ma'idek na kinyonyoanyo kinobubuunmo na monsakisa mian anu kasiasi; pobakas da aha nu posi konaje nu so'o nu aha.

MAZMUR 103:11

Panyo sumo kotangkasnyo nu langit anu aita' mae, i buan nu tano' aiya sumo aitumo na kalibosan-Nyo kona hi mian anu tulu-tulutan hi Ia.

MAZMUR 103:8

Kalana Tumpu saja' mongkalibosi ka' mongkanonongi, Ia talalo hondo sabaan ka' kalibosannyo daka' hondo.

MAZMUR 119:124

Opalentah mae na aku sitimbang tiba kalibosan nu Belento ka' potinganakon mae na aku atulan nu Belento.

MAZMUR 124:5

Sahingga kita nolomosmo ka' sinilakamo i uno nu buliling nu uee anu okabuhuk.”

MAZMUR 140:3

Aha ko tanga'an anu ma'idek i uno nu kinyonyoa nu aha, ka' sansina-sinaa saja' monsaduakon painggagah.

MAZMUR 140:5

O, Tumpu, jagaiakon mae na aku da madi' opoposia nu kakuasa'an nu mian anu ma'idek na kinyonyoanyo, jagaiakon mae na aku da madi' opoposia nu mian anu talalo hondo buhingison na mompalentah, anu ko tanga'an monsila kaimo aku.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 27:5

Tumpu na monjagai mae aku de aku nu tokaimo mae nu kasusa'an; Ia momposuluk aku i uno nu Laigan-Nyo, ka' mohangkat aku mokiita' ibungkutnyo nu batu.

MAZMUR 32:7

Belentomo na tampat paninsulukanku, Pinobebasmo nu Belento na aku da madi' tinokan nu kasusa'an. Sahingga aku nontaligalaimo kalana ilame'mo kalana Belento nomposalamatmo mae aku.

MAZMUR 36:11

O'amalakon da Belento tataap ahi' mongkalibosi mian anu monsumbu'i Belento, ka' mombau palabuatan ma'ima' hi mian anu madi' hodi' na kinyonyoa.

MAZMUR 36:6

O Tumpu kalibosan nu Belento matangkas hondo sumo langit ka' mule' kanonongan nu Belento toka-tokamo i kundom.

MAZMUR 36:8

Talalo ahi' koangga'nyo na kalibosan nu Belento o Tumpu, manusia mihohung i uno nu hohung nu polipik nu Belento.

MAZMUR 40:4

Ingajan-Nyomo na aku manyanyi nyanyian anu salaje' o'ajan, nyanyian bau pompuji' Tumpunto. Manjoo' na mian nontoa ka' nabuhukmo, lantas nompalesayamo Tumpu.

MAZMUR 57:11

Kalana kalibosan nu Belento nolabi-labimo, sinundakmo i langit, ka' Belento monginau' mae aku tinoka-tokamo i kundom.

MAZMUR 86:14

O, Tumpu, mian anu buulon mambamo mae montumbuhi aku, sanggombu na mian anu toto sisinggi kahanda'mo mompatei mae aku; aha madi'mo mompajuli Belento.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

ROMA 13:13

Kita tionyo mombau anu ko adatnyo sumo anu biasanyo obau sinaa; boli mompopodaka' bau-bauon moliu-liumo anu madi' opoko ala obaunto, kabai malangu. Boli masala', kabai kalakuan anu madi' ko atulannyo. Boli mahantuda' kabai pusa na kinyonyoa.

2 KORINTUS 12:20

Aku bata-bata de aku mamba molenga saidi' mae, ku tokai na komiu madi' sumo anu tinahaimanankumo. Boli-boli saidi' mae daagi' ko anu mahantuda', anu sumpu, anu buhingison, anu mompentingkan kapalaluan nu posi butong, anu ola lewa' mompobau-bau, anu ola monsale'i da mombau gau' ma'idek, anu ola kobubuun, ka' anu ola momposubali pikilan.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

1 TIMOTIUS 6:4

atina'mo na mian anu kobubuun ka' madi' monsumbu' apa-apaa! Panyakitnyo aijo'mo ola mongka'ima'i mompaha lawa-lawani ka' mahanggaga mongkona potatae sahingga monsaduakonmo ma'idekan na kinyonyoa, mosubalimo, mompitana'i, monsangka anu madi' ma'ima',

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”