MAZMUR 31:2 - KITAB NU TUMPU ALLA LELE MA'IMAI'

² Hi Belento na bau pihohunganku o Tumpu, Boli opojohok na aku mohumpak ambang. Posalamatakon mae na aku nu ka adinan nu Belento

MAZMUR 31:2 ပူးပေါင်းရင်းမြစ်များ

2 SAMUEL 22:3

Tumpu sumomo benteng anu mahoson tampat bau paninsulukanku. Tumpu Allah-ngku sumomo bungkutnyo nu batu tampat bau pinsondoanku Sumomo kanta na Ia mongkukubi mae aku, ka' saja' monjagai mae aku da madi' ko anu mompoposia.

AYUB 7:21

Te madi'mo Belento timbali mongampuni dosa'ku? Te madi'mo timbali Beleyum monsapui kasala'anku? Madi'mo pin aku male'mo i uno nu polamunan ka' de aku nulio nu Belento madi'mo daagi' nuhumpak nu Belento.”

MAZMUR 102:2

O Tumpu, potombihingakon mae na do'angku, de timbali da anu ku kakase aiya toka hi Belento.

MAZMUR 130:2

O, Tumpu, potombihingakon mae na anu ku kakase, palahatikan mae na anu ku poita.

MAZMUR 143:7

Sampa mae taami na aku, o, Tumpu, kalana madi'mo daagi' ko anu ku taha'imani. Boli maninsuluk dumo madi' ku toa, da boli aku susumo mian anu nintatau'mo i dunia nu mian anu sinilakamo.

MAZMUR 25:2

O Tumpu-ngku, aku palesayamo hi Belento! Boli pojohok na aku opopo'ambang, ka' boli nu soso'oya'i nu anu monsampo bali' mae aku.

MAZMUR 40:17

O'amalakon da iwi-iwi' na mian anu monsombah Belento bilahimo ka' lame'mo ka' iwi-iwi' na anu mongka'ima'i kasalamatan lengkat mae hi Belento tataap motatae, “Memang ahi' talasanggo na Tumpu!”

MAZMUR 62:7

Olamo Ia samata-mata na monjagai mae aku ka' momposalamat aku; Ia na montinjohi mae aku, aku madi'mo opoko ala opoposia.

MAZMUR 69:17

Taami mae na aku o, Tumpu kalana Belento manonong ka' sabole-boleh mongkalibosi mae. Sanang pe'e mae na kinyonyoa monsiloi aku kalana tahahumo hondo na pongkalibosi mae nu Belento.

MAZMUR 7:2

O Tumpu-ngku, aku mihohung hi Belento; posalamat mae ka' polapas mae na aku hi iwi-iwi' na mian anu mololoi' mae aku.

MAZMUR 79:1

Mazmur i Asaf. O Tumpu Allah, bansa anu madi' monsumbu'i Belento nonjojoongimo tano' pusaka' nu Belento. Aha nongkotonimo Laigan nu Belento, Yerusalem binaumo tambulan nu anu singkapmo na'idek.

MAZMUR 86:1

Do'a i Daud. Potombihingakon mae na do'angku, o, Tumpu, ka' taami mae na aku, kalana aku kasiasi ka' madi' mahoson.

MAZMUR 90:1

Doi i Musa, posaihon nu Tumpu. O, Tumpu, Belentomo na bau pihohungan mami molundu-lundu na tulunan mami.

MAZMUR 91:9

Kalana beleyum nongalamo Tumpu da tinimbali anu nonsangaja'i beleyum. Anu Matangkas na Kuasanyo ingalamo nu beleyum salaku anu monjagaimo beleyum.

MAZMUR 94:22

Panyo Tumpu na motinjohi mae aku, Tumpungku na monjagai mae aku.

AMSAL 22:17

Potombihing mae aku mongajanakonmo hi beleyum pokinde nu mian anu pande na bapkin. Palahatikan na pangajalanku.

YESAYA 33:16

Sahingga belemiu olindungimo ka' madi'mo ko anu mompoposia madi' sala' sumomo ahi' i uno nu benteng anu mahoson hondo. Anu okaan tiba anu o, inum memang pinosadiamo da bau bagi nu belemiu.

LUKAS 18:8

Palesayamo: Ia malia-lia' montinjohi palakala nu aha! Panyo de Anak nu Mian tokamo, pa' daagi' okabot na mian palesaya hi Ia, i dunia aiya?”

YOHANES 6:56

Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

PO'ULE' INGULIT 32:31

Sampobali' nu aha Israel nonsumbu'mo taalu' anu monjagai aha madi' susumo Tumpu Allah anu monjagai Israel.

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.