MAZMUR 30:5 - KITAB NU TUMPU ALLA LELE MA'IMAI'

⁵ Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 30:5 ပူးပေါင်းရင်းမြစ်များ

KAJADIAN 32:24

Panyo ia sausa'nyo daagi' jinojoong. Lantas tinokamo na samian na mo'ane nahaluku' tiba i Yakub sampe dodododopnyo subu-subu.

MAZMUR 103:17

Panyo Tumpu sabole-boleh mongkalibosi mian anu tulu-tulutan hi Ia, kanonongan-Nyo saja' sabole-boleh sampe molundu-lundu na tulunan

MAZMUR 103:9

Ia madi' sabole-boleh saja'mo monsegai ka' madi' motambuha' sampemo toka sidu-sidutu'.

MAZMUR 143:8

De subu-subumo po'ingatakon mae hi belengku na kalibosan nu Belento, kalana olamo Belento na anu ku taha'imani. Potiju'akon mae hi belengku na jalan anu tionyo ahi' ku jalani, kalana olamo hi Belento na anu pompotokanku do'a.

MAZMUR 145:10

Iwi-iwi' na anu pinotimbalimo nu Belento mompuji'mo Belento, o, Tumpu, iwi-iwi' na anu pinalesayamo hi Belento montalima kasemo hi Belento.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 46:5

Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

MAZMUR 47:7

Nyanyian, nyanyian bau pompuji' Tumpu, nyanyimo na bau pompuji' Tomundo'to!

MAZMUR 59:16

Aha mamba momoya molio anu okaan, ka' mintaumo de madi'mo mobosu.

MAZMUR 63:3

Da aku montoa Belento i laigan nu Belento, ka' montoa kahosonan ka' katalasanggoan nu Belento.

MAZMUR 97:12

Balame-lame'mo, o to mia-mian anu hodi' na kinyonyoanyo, kalana nontaupmo apaa na anu binaumo nu Tumpu, ka' pontalima kasemo hi Tumpu anu susi' hondo.

NOSABATMO 3:15

Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.