MAZMUR 30:2 - KITAB NU TUMPU ALLA LELE MA'IMAI'

² Aku mompuji'mo Belento o Tumpu, kalana Belento nomposalamatmo mae aku ka' madi'mo nompojohok sampobali'ku lewa' nongkokojoi mae aku.

MAZMUR 30:2 ပူးပေါင်းရင်းမြစ်များ

KAJADIAN 20:17

Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.

2 TOMU-TOMUNDO' 20:5

da po'ule' minsusule' hi Hizkia, tomundo' nu mian anu pinalesayamo hi Tumpu ka' mompoto'i potunonku sumo uuka, “Aku Tumpu, Tumpu Allah anu nusombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Ku po'alinmo na beleyum hipuan beleyum mambamo i laigan-Ku.

MAZMUR 118:18

Tumpu nonsakisamo aku totu-totu'u, panyo Ia madi' nombee' aku i uno nu kapatean.

MAZMUR 145:1

Bau pompuji' lengkat hi i Daud. Aku mompopodaka'mo Belento, o, Tumpungku ka' Tomundo'ku, ka' mompuji'mo Belento sampe toka sidu-sidutu'.

MAZMUR 147:3

Ia nompa'alinmo mian anu madi'mo ko anu opitaha-taha'imani, ka' mombobodimo iwi-iwi na bela nu aha.

MAZMUR 35:24

Tinjohi mae na aku, kalana Belento adin, o Tumpungku boli opojohok mae na sampobali' mongkokojoi mae aku.

MAZMUR 41:12

De maluanyo aku madi' nu pokala nu sampobali'ku, atina'je ka' kusumbu' taalu' Belento sanang ahi' mae hi belengku.

MAZMUR 51:8

Belento montutut kinyonyoa anu hodi'; isi mae na kinyonyoangku nu kapandean lengkat mae hi Belento.

MAZMUR 6:2

O Tumpu, boli mae mondoke aku de Belento motambuha'mo, boli mae mohukum aku de Belento pusamo.

MAZMUR 88:13

Te Belento nombau anu okabangangi ko anu monsumbu' kiijo' i uno nu pintung, kabai kanonongan nu Belento i lipu' kajojoongan nu anu kinolilimanmo?

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”