MAZMUR 30:1 - KITAB NU TUMPU ALLA LELE MA'IMAI'

¹ Mazmur i Daud. Nyanyian anu onyanyi momposawe'imo Laigan nu Tumpu.

MAZMUR 30:1 ပူးပေါင်းရင်းမြစ်များ

2 SAMUEL 20:3

Salatan i Daud tinokamo kiijo' ilaigan nu tomundo' i Yerusalem, aha sampu-sampulu' na ambahue'nyo anu pinala'ianyomo nontamongi laigan nu tomundo' pinojoongnyomo i sa'angu' na laigan ka' ojagai nu suludadu. Apa-apaa na anu nu palalui nu aha oposukupakon na obee', panyo i Daud madi'mo lewa' male' hi aha, jadi aha jinagaanmo madi' timbali momoya, ka' kantumuu'an nu aha sumomo ahi' anu binalumo sanpe silaka.

2 SAMUEL 24:25

Lantas pinotinjomo i Daud na mezba i kiijo' ponsomban Tumpu lantas nonsombahkonmo koloban anu pinotunu ka' koloban anu bau pompodame. Tumpu nontalimamo do'a i Daud ka' panyakit anu momolele aijo' i Israel madi'mo nolele.

2 SAMUEL 5:11

I Tomundo' Hiram anu kiijo' mae i Tirus nonsaimo mae mian namba hi Daud salaku utusan nu kalaja'annyo, ka' nomboamo kau'lontio' nu Libanon, tiba to tuka-tukang kau' ka' mule' to tuka-tukang mesen da mompotinjoakon laigan nu tomundo'.

2 SAMUEL 6:20

Tempo'nyo i Daud ninsusule'mo ilaigan nu tomundo' kaka jojoongannyo ka' nonsalando'aimo bengkele' tiba to ana-anaknyo, i Mikhal nosabatmo mae nolalabot i Daud ka' notatae, “Sinaa uuka tomundo' nu Israel totu-totu'u nombaumo butongnyo da o adati! Ia nilanggomo susumo mian anu ponga' anu madi'mo na ambang i ahop nu to bou-boune aijo'mo to posa-posaihon nu aha mian anu ko pangkatnyo anu mokalaja ilaigan nu tomundo'!”

2 SAMUEL 7:2

Sahingga notataemo na i tomundo' hi Nabi Natan, “Soba toa aku aiya jojoong ilaigan nu tomundo, kau' lontio' i Libanon na binau, padahan Peti' Palajanjian nu Tumpu Allah ola opo una' ilaiganku!”

1 TOMU-TOMUNDO' 8:63

Kakona koloban anu bau pompodame, i Salomo nonsombahkonmo 22.000 na sapi' ka' 120.000 na domba. Sumo aijo' na i tomundo' ka' iwi-iwi' na mian da'isan nombau lamean nomposawe'i Laigan nu Tumpu.

1 TAWARIKH 21:6

Panyo tulunan nu aha bansa Lewi ka' tulunan nu aha bansa Benyamin madi' ninsoop i bilangan aijo'. I Yoab madi' nombilang aha kalana ia madi' situju na mompojalan palentah i tomundo' aijo'.

MAZMUR 13:4

Tonto'i mae na aku, o Tumpu-ngku, taami mae na do'angku. Po'ule'akon mae na kahosonanku, ka' boli pojohokmo mae na aku da silakamo.

MAZMUR 140:8

O, Tumpu, Tumpungku, anu momposalamat aku ka' mahoson Belento nonjagaimo mae aku tempo'nyo nahampate.

MAZMUR 145:1

Bau pompuji' lengkat hi i Daud. Aku mompopodaka'mo Belento, o, Tumpungku ka' Tomundo'ku, ka' mompuji'mo Belento sampe toka sidu-sidutu'.

MAZMUR 25:2

O Tumpu-ngku, aku palesayamo hi Belento! Boli pojohok na aku opopo'ambang, ka' boli nu soso'oya'i nu anu monsampo bali' mae aku.

MAZMUR 27:6

Uuka aiya aku inguntungmo na nahampate nongewa sampobali'ku anu nontikubimo mae aku; jadi aku nontaligalaimo kalana ilame'mo, ka' sinombahkonkumo na koloban bau pontalima kaseh i Lagian nu Belento; aku manyanyimo ka' mompuji'mo Tumpu.

MAZMUR 28:9

Posalamatakon mae na mian anu palesayamo hi Belento, o Tumpu, balakatiakon mae na to mia-mian anu Belentomo na tumpunyo. Jadimo ahi' susumo samian na polaya' aijo' hi aha, ka'jagaiakon na aha sampe toka sidu-sidutu'.

MAZMUR 35:19

Boli opojohok na aku opopo ambangmo nu mian anu monsampobali' mae aku padahan madi' ko sababnyo. Boli opojohok na aku okokojoi nu mian anu mongka'ideki mae aku padahan madi' ko sababnyo.

MAZMUR 41:11

Kalibosi mae na aku o Tumpu, po alinakon mae na aku, da timbali ku balosakon na palabuatan ma'i-ma'idek nu aha sampobali'ku.

MAZMUR 66:17

Aku nongkakasemo nomoita tulung hi bele-Nyo; uuka aiya ku nyanyimo na bau pompuji' Ia.

MAZMUR 79:10

Boli opobee' na bansa sangga'at mompokilawa mae kami “Iya mae na Tumpu nu aha?” Bakas da kami montoa to bansa-bansa obalosakon anu mompateimo to posa-posaihon nu Belento.

MAZMUR 79:4

Kami tinimbalimo han anu lewa' o aluu ka' okokojoi nu to bansa-bansa anu mompaha ohani, aha lewa' mongkokojoi ka' mongalu kami.

MOHAANGI 2:15

Iwi-iwi' na anu motulu mongalu beleyum, kalana ihansunmo songko-songko na beleyum Aha naha lilokanmo ka' notatae, “Te aijo'mo na kota' anu talalo hondo ma'ima' kota'anu nunu buulakon nu dunia?”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

PO'ULE' INGULIT 20:5

Lapas aijo' to kapa-kapala nu suludadu tionyo ahi' mompoto'i potatae aiya hi belemiu, ‘Pa' daagi' ko mian anu aiya hi belemiu anu sala'je nompotinjo laigan, panyo ma'isa nombau adatnyo nomposawe'i? De daagi', pinsusule' pe'e na ia. Kalana de ia osilakaimo i uno nu pahampatean, mian sangga'atmo na monjojoongi laigannyo.