MAZMUR 3:8 - KITAB NU TUMPU ALLA LELE MA'IMAI'

⁸ Posalamatakon mae na aku, o Tumpu-ngku, hukumakon ka' pengko'iakon na aha iwi-iwi' anu mongewa mae aku.

MAZMUR 3:8 ပူးပေါင်းရင်းမြစ်များ

2 SAMUEL 23:12

Panyo i Sama sabole-bolemo nahampate, nompateimo ka' nompatundu'mo mian nu Filistin sahingga noko alamo nompo ago ale' aijo'. Sumo aijo' nu Tumpu nombee'mo ka untungan nahampate anu daka' hondo.

MAZMUR 119:94

Posalamatakon mae na aku, kalana aku aiya, Belentomo na tumpunyo, aku binala'usahamo montuluti atulan nu Belento.

MAZMUR 29:11

O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

MAZMUR 31:16

Belento saja' mompotuu' aku; posalamatakon mae na aku da madi' nu patei nu sampobali'ku, ka' mule' to mia-mian anu moloi' mae aku.

MAZMUR 58:7

O, Tumpu, pato'i iwi-iwi' na bese' nu aha, gautakon na sae nu singa haha aijo' anu daagi' bata'nyo, o, Tumpu.

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 9:20

Tinjomo mae, Tumpu, putusimo mae na to bansa-bansa, bolimo mompojohok manusia saja'mo buulon na butongnyo.

AMSAL 21:31

Maumo i pahampatean oposukup nu ajahan na posadiaon bau pahampate, anu montantukan ka'untungan mahampate ola ahi' samata-mata Tumpu.

YESAYA 43:11

Ola-olanyomo Aku na Tumpu, madi' ko sangga'atannyo na anu momposalamat.

YEREMIA 3:23

Ola palasuma na kami balame-lame monsombah pilogot aita' mae ibawo nu to bungku-bungkutnyo! Anu montulungi Israel olanyomo ahi' anu toka mae lengkat hi Tumpu Allah mami.

HOSEA 13:4

Tumpu notatae, “Akumo na Tumpu nu belemiu anu nomboamo mae belemiu nosabat lengkat i Mesir. Belemiu madi' ko Tumpu ola ahi' samata-mata Aku. Samata-mata Aku na anu nomposalamat belemiu.

YUNUS 2:9

Panyo aku monyanyiakonmo bau pompuji Belento ka' kusombahkonmo na koloban hi Belento. Batu-batu anu jinanji'kumo ku sidahimo Belentomo na Tumpu anu momposalamat.”

NOMBILANGMO 10:35

De Peti' Palajanjian aijo' oboamo, i Musa motataemo, “Jagai mae o Tumpu, ka' posubali' na anu monsampobali' Belento, da mian anu mongka'ideki Belento mopalaimo.”

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

IBRANI 6:14

Ia notatae, “Aku bajanji' mombalakatije beleyum ka' mompotimbalije lee' nu beleyum timbali manjoo'!”

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.

ANU PINOTO'I HI YOHANES 19:1

Lapas aijo', aku nohongomo apa-apaa, sumo potatae nu mian onyi'nyo sumo gohung lengkat mae i suluga' anu lewa' moloboo' daka-daka', “O puji' na Tumpu! Tumpunto atina'mo na Tumpu anu momposalamat; Iamo na Tumpu anu talasanggo ka' matangkas na kuasanyo!

ANU PINOTO'I HI YOHANES 7:10

Lantas aha notatae daka-daka', “Kasalamatanto nolengkat mae hi Tumpunto, anu suha-suhang i kasuhangan aijo', ka' lengkat mae hi Anak nu Domba aijo'!”