MAZMUR 29:11 - KITAB NU TUMPU ALLA LELE MA'IMAI'

¹¹ O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

MAZMUR 29:11 ပူးပေါင်းရင်းမြစ်များ

MAZMUR 138:3

Salatan aku nongkakasemo hi Belento, Belento nontaamimo mae, pinohosonmo nu Belento na kinyonyoangku sahingga aku binaanimo.

MAZMUR 37:11

Mian anu madi' buulon na saidi' mae mompusaka'i tano' aijo', ka' monta'up kantumuu' anu ma'ima' ka' molabi-labi.

MAZMUR 68:35

Akuimo na kakuasa'an nu Tumpu anu mongkuasai aha bansa Israel, kuasa-Nyo toka-toka kiita' mae i langit.

MAZMUR 72:3

De timbali da lipu' mami mohumpakmo ka'ima'an ka' kantumuu'an anu sanang, ka' daagi' ko ka'adilan hi songko-songko na bansa.

MAZMUR 72:7

O'amalakon da ka'adilan sabole-boleh obau kopinnyo ia mompalentah, ka' kasanangan nu kantumuu'an boli kokakulangannyo kopinnyo daagi' ko bitu'on.

MAZMUR 84:7

Hau-haunyo aha lumajang motulu i bangka'nyo nu Ahelat, tampat aijo' binali'anmo nu aha tinimbalimo mata nu uee, ujan anu momona tinudun nabohos hondo aijo', salakumo balakat.

MAZMUR 85:10

Memang Ia ko kahanda' momposalamat anu tulu-tulutan. Tumpu anu talasanggo hondo jojoongmo i lipu'to aiya.

MAZMUR 85:8

Potoa mae hi kami da osumbu' mami taalu' sabole-boleh ahi' na Belento mongkalibosi mae, o, Tumpu, bee'i mae na kami kasalamatan anu lengkat mae hi Belento.

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

YESAYA 40:29

Ia mompohoson mian anu nalawemo, mongkakeha'i mian anu madi'mo moko ala mombau apa-apaa.

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

EFESUS 2:17

Mokonyo aijo' i Kristus tinokamo nompolele Lele Ma'ima' mongkona paladamean aijo' hi komiu; mau misa' hi komiu mian nu Yahudi anu naipuan mae majo'on hi Tumpu, maumo hi mian nu Yahudi anu ohani hi Tumpu.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

ANU PINOTO'I HI YOHANES 1:4

To utu-utus anu i jama'at popitu' i da'erah Asia! Aku, i Yohanes montaha'imani komiu da nubee'i balakat ka' ka'ima'an lengkat mae hi Tumpu – aitumo Ia anu polo-polo'mo daagi', anu daagi'mo, ka' anu sidu-sidutu' sabole-bole daagi' – ka' suele lengkat mae hi popitu' na roh anu daagi' i ahop nu kasuhangan nu Tumpu,