MAZMUR 28:7 - KITAB NU TUMPU ALLA LELE MA'IMAI'

⁷ Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 28:7 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

MAZMUR 13:5

Boli opojohok mae na sampobali'ku motatae tukoonyo aha nohungku'imo mae aku. Boli opojohok mae na aha mongkokojoi mae aku.

MAZMUR 13:6

Kalana aku montaha'imani kalibosan mae nu Belento sahingga aku lame'mo kalana Belento nomposalamatmo aku. Aku manyanyimo mompuji' Tumpu, kalana Ia nombaumo mae anu ma'ima' hi belengku!

MAZMUR 19:14

Pojo'onakon mae na aku i dosa' anu ototonggolakon, boli opojohok na aku nukuasai nu dosa' susumo aijo'. Sahingga aku madi' ko kasala'an, ka' bebasmo madi'mo molanggai atulan anu maboat.

MAZMUR 21:1

Anu mongkapalai panyanyi. Mazmur i Daud.

MAZMUR 22:4

Panyo Belento Tomundo' Anu Susi' hondo, anu saja' lewa' opuji' nu mian Israel.

MAZMUR 28:8

Tumpu na mombee'i kahosonan hi mian anu palesayamo hi Ia, Ia na montinjohi ka' momposalamat tomundo' anu pinile'an-Nyomo.

MAZMUR 3:3

Manjo'mo na anu nompoto'i tukoonyo nu aha Tumpu madi'mo montulungi aku.

MAZMUR 3:4

Panyo Belento, o Tumpu, sumomo kanta anu monjagai mae aku. Belento na mombee'i mae aku ka'untungan mahampate, ka' nu pobibi mae nu Belento na kinyonyoangku.

MAZMUR 33:21

Kita balame-lame' kalana Ia ka' palesaya hi sanggo-Nyo anu susi' aijo'.

MAZMUR 37:39

Nu posalamat nu Tumpu na mian anu bala iman hondo; ka' Nu jagai na aha de ko kasusa'anmo.

MAZMUR 40:3

Ihela'-Nyomo mae na aku da madi' nanabu' ibolo' anu mombahayaimo aijo', da madi' manabu' itampalang anu hensekon. Pinojoong-Nyomo na aku ibawo nu puge'nyo nu batu sahingga talakana' ahi' na aku kolangka-langkas.

MAZMUR 43:2

Belentomo na Tumpu, anu monjagai mae aku; kadaka' Belento nompala'imo aku? Kadaka' aku me saja' mongoa'i sansala', kalana talalomo ahi' na pombau mae nu aha anu monsampobali' mae aku?

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 46:2

Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

MAZMUR 69:30

Panyo aku sinakisamo ka' nongoa'imo lanit, hangkatmo mae na aku o, tumpu ka' posalamatmo mae na aku.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

MAZMUR 91:4

Ia na nongkukubi beleyum nu polipiknyo sahingga beleyum madi' ko anu mompoposia kiijo' i uno nyo; kanonongan-Nyo sumomo kanta monjagai beleyum.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 45:24

To mia-mian saidi' mae montaloakonmo, ‘Ka'adilan tiba kahosonan samata-mata lengkat mae hi Tumpu!’ Iwi-iwi' na mian anu nongka'idekimo Aku, tokamo mae hi beleng-Ku ka' ma'ambangmo.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.