MAZMUR 28:5 - KITAB NU TUMPU ALLA LELE MA'IMAI'

⁵ Aha madi' mompajuli palabuatan nu Tumpu, kabai pa' apaa na anu binau-Nyomo. Sahingga ihukum-Nyomo na aha ka' nonsilakaimo aha sampe toka sidu-sidutu'.

MAZMUR 28:5 ပူးပေါင်းရင်းမြစ်များ

2 SAMUEL 7:27

O, Tumpu Anu Daka' na kakuasa'an! Pinobaaningkumo na butongku mompotoka do'angku aiya hi belento kalana belento nompoto'imo hi belengku tukoonto makumpungku molapi-lapis na lee' nu aha saja' opotimbali nu belento Tumpu tomundo' hi bansa aiya.

1 TOMU-TOMUNDO' 11:38

De beleyum montiho susumo posaihon-Ku i Daud tulu-tulutan hondo hi beleng-Ku ka' mule' mombatuki iwi-iwi' na atulan-Ku ka' mule' momposanang kinyonyoang-Ku ka' mule' montuluti iwi-iwi' na anu Ku palentahkon hi beleyum, saba' beleyum saja' Ku toa ka' Ku jagai. Ku potimbalimo tomundo' na beleyum hi aha Israel. Sabole-bole lee' nu beleyum na Ku potimbali tomundo' nu aha Israel mombolosakon beleyum susumo anu binaung-Kumo hi Daud.

MAZMUR 10:5

Mian anu ma'idek na kinyonyoanyo de mombaumo apa-apaa nu humpak na hasinnyo; ia madi' mangalati' kabai monsumbu' atulan nu Tumpu ka' madi' mompajuli iwi-iwi' na anu mongewa mae ia.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 8:3

onyanyiakon nu to ana-anak ka' to bunga-bunga mea'. Belento mompalentah sinukupmo hondo madi'mo opoko ala opoposia sahingga nganga' nu mian anu monsampobali' mae ka' mongewa madi'mo noko ala notatae.

YESAYA 22:11

belemiu mombaumo ahi' kolam i uno nu kota'ka' o'iliakonmo ahi' mokiijo' na ueenyo lengkat mae ikolam pini-pininmo. Panyo belemiu madi' mompalahatikan Tumpu Allah anu pininmo na nontanga'i iwi-iwi' aijo' ka' anu nompotuka'mo kalaja aijo' sahingga jinadimo.

YESAYA 40:26

Sinda mokiita' ilangit ka' soba palahatikan! Ihe na nompotimbalimo iwi-iwi na mandala'? Ia na anu nongatunmo aha susumo gombuan nu suludadu, Nu sumbu' na konjoo'nyo nu aha iwi-iwi' ka' molaga totosamian sanggo nu aha. Madi' ko samian pe'e na nolapus, kalana kakuasa'an nu Tumpu daka' hondo.

YESAYA 45:12

Akumo na Tumpu anu nompotimbalimo dunia aiya, ka' mule' nompotimbalimo mian da monjojoongi. Tiba kakuasa'an-Ku, Aku nombokamo langit ka' nompalentahmo batu nu sinaa, bitu'on tiba to manda-mandala'.

YESAYA 45:18

Tumpu na nompotimbali langit, Lamo ia Tumpu! Lamo ia nompotimbali ka' mule' nontali' dunia aiya, binaumo hoso-hoson ka' tataap satinjonyo. Ia madi' nompotimbali tampat anu liing hondo, panyo tampat da bau kajojoongan. Lamo ia notatae, “Akumo na Tumpu ka' madi'mo kosangga'atannyo.

YESAYA 45:8

Lengkat mae ilangit tinau'akon-Kumo na ka'untungan mahampate susumo ujan, tano' binalabukamo da montalimamo ia, lantas nompotumuu'mo kasalamatan tiba kabebasan; Akumo na Tumpu anu nombaumo aijo' sahingga jinadimo.”

YESAYA 5:12

I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.

YEREMIA 31:4

Bansa nu belemiu Ku pojadimo sanang na kantumuu'an susumo naipuan mae. Po ule' mule' belemiu mongala gandang ka' monsalelei lame'mo hondo.

HOSEA 14:9

Mian nu Israel mongalinmo iwi-iwi' na patong nu pilogot nu aha aha Ku jagaimo ka' mule' Ku talimamo na do'a nu aha. Susumo kau' anu tambok na honnyo, Kujagaimo na aha. Akumo na polengkatan mae nu balakat, iwi-iwi' anu nu humpak nu aha. Akumo na Tumpu anu notataemo.

NOMBILANGMO 23:23

Madi' ko ajimat anu mongkona i Yakub madi' ko to boli-bolian anu moko ala mombau apa-apaa hi Israel. Mongkona bansa aijo' mian notatae, ‘Toa na hahan anu okabangangi anu binaumo nu Tumpu Allah!’

YOHANES 12:37

Mau mule' manjoo'mo na anu okabangangi binau i Yesus i ahop nu aha, aha madi' palesaya hi Ia.

ROMA 1:20

Salatanmo pe'e Tumpu nompotimbali dunia, pikilan nu Tumpu anu madi' otoa-toa, aijo'mo salaku tandanyo Ia aijo' Tumpu tiba kuasa-Nyo anu sampe toka sidu-sidutu', timbalimo nu sumbu' nu mian de montoamo iwi-iwi' apaa na anu pinotimbali-Nyomo. Jadi mian madi' hondo-hondo ko pintoongan da mompototu'u butongnyo.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.