MAZMUR 28:4 - KITAB NU TUMPU ALLA LELE MA'IMAI'

⁴ Hukumo na aha kalana palabuatan nu aha kalana palabuatan ma'idek anu binaumo nu aha. Hukumo na aha sitimbang tiba palabuatan nu aha; bee'i hukuman na aha anu sitimbangmo ipalabuatan nu aha.

MAZMUR 28:4 ပူးပေါင်းရင်းမြစ်များ

2 SAMUEL 3:39

Maumo aku aiya tomundo' anu pinile'anmo nu Tumpu Allah, panyo uuka aiya ku oa'i madi'mo ko kahosonan. To ana-anak i Zeruya haha aijo' talalo hondo buhingison. Madi'mo ku poko ala na mompalentah aha. O'amalakon da Tumpu mohukum mian anu toto ide-idek na kinyonyoanyo pokakana tiba apaa na anu lewa'mo binau nu aha!”

EZRA 9:13

Kami binaladosa'mo ka' madi'mo nontapali atulan nu Belento ka' belento nohukumo kami. Panyo osumbu' mami, o Tumpu Allah mami, saba' hukuman anu binea'mo nu belento aijo' madi' pokakana na koboat-nyo tiba anu sabenannyo halus otalima mami padahan ola mule' ahi' pinosalamat nu Belento na kami.

MAZMUR 103:10

Ia madi' mohukum kita sitimbang tiba, dosa'to, kabai mombalosi kita sitimbang tiba kasala'anto.

MAZMUR 21:10

Ia toka mae sumo apu anu moakmo kahanda'mo mompatei aha. Tinambuha'anmo nu Tumpu na aha kalana aitu aha ohopu'imo, ka' nuangotimu nu apu.

MAZMUR 5:10

Kalana potatae nu anu mongewa mae aku madi' ko anu opalesaya; kinyonyoa nu aha nobuke'mo nu tanga'an anu ma'idek. Potatae nu aha matami' hondo mompai godamo panyo kinyonyoa nu aha kahomo anu mabusik.

MAZMUR 62:12

Pa' piniangkukamo na aku nohongomo Tumpu notatae, tukoonyo, kakuasa'an nolengkat mae hi Ia,

MOHAANGI 3:64

Hukumo na aha sitimbang tiba kalakuan nu aha, o Tumpu.

YEHEZKIEL 38:10

Tumpu Anu Matangkas na Kuasanyo notataemo hi Gog, “Toka itempo'nyo aijo' beleyum batanga'mo mombau palabuatan anu ma'idek.

ROMA 11:22

Jadi aiya otoantomo na kononongnyo hondo nu Tumpu tiba mule' na koboat nu palentah-Nyo. Palentahnyo maboat hondo hi mian baladosa', panyo ia manonong hi kita Utus – asan kita Utus tataap tumuu' i anu nu ka'ima'i. De madi', tantu kita mule' suele o'alin.

2 TIMOTIUS 4:14

I Aleksander, tukang tutuk tambaga aijo' nombaumo hahan anu ma'idek hondo hi belengku. Tumpuje na mombalosi ia sitimbang tiba apaa na anu binaunyomo.

ANU PINOTO'I HI YOHANES 18:6

Obau na ia sumo pinombaunyomo belemiu; obalosi na ia pinduan lipat han iwi-iwi' na anu binaunyomo. Isi na mangko'nyo nu inumon pinduan lipat nu anu lebe molangui anu pinosadiakonnyomo hi belemiu.

ANU PINOTO'I HI YOHANES 22:12

“Opalahatikan na aiya!” na koo-Nyo i Yesus, “Madi'mo daagi' pin Aku tokamo ka' momboamo mae tamboonyo hi batu-batu mian bau pombalosi apaa na anu binaunyomo.