MAZMUR 27:9 - KITAB NU TUMPU ALLA LELE MA'IMAI'

⁹ boli matisuluk dumo madi' ku toa.” Boli motambuha' ka' mongka'idekimo mae posaihon nu Belento aiya, kalana Belentomo na anu nontulungimo mae aku. Boli mongalin aku kabai mompala'imo mae aku, O Tumpu, anu nomposalamatmo aku.

MAZMUR 27:9 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

MAZMUR 102:2

O Tumpu, potombihingakon mae na do'angku, de timbali da anu ku kakase aiya toka hi Belento.

MAZMUR 102:3

Boli ola mosiloi panyo tonto'i mae na aku de aku i unomo nu kasusa'an. Potombihingakon mae de aku mongkakasemo ka' taami mae lia-lia' na aku.

MAZMUR 119:121

Aku nombaumo anu adin ka' anu totu'u, boli obee' na aku hi lima nu mian anu mongewa mae.

MAZMUR 13:1

Anu mongkapalai panyanyi. Mazmur i Daud.

MAZMUR 143:7

Sampa mae taami na aku, o, Tumpu, kalana madi'mo daagi' ko anu ku taha'imani. Boli maninsuluk dumo madi' ku toa, da boli aku susumo mian anu nintatau'mo i dunia nu mian anu sinilakamo.

MAZMUR 24:5

Iamo na anu nu balakati ka' nuposalamat nu Tumpu, ka' anu nupoto'imo nu Tumpu Allah na ia madi' ko kasala'annyo.

MAZMUR 44:24

Pobulamo mae, o Tumpu! Kadaka' Belento ihoyotmo? Tinjomo mae! Boli monsangka kami sampemo toka sidu-sidutu'.

MAZMUR 51:11

Posiloimo na ohup nu Belento ka bolimo mae montoa iwi-iwi na dosa'ku, ka' sautimo iwi-iwi' na kasala'anku.

MAZMUR 69:17

Taami mae na aku o, Tumpu kalana Belento manonong ka' sabole-boleh mongkalibosi mae. Sanang pe'e mae na kinyonyoa monsiloi aku kalana tahahumo hondo na pongkalibosi mae nu Belento.

MAZMUR 69:18

Boli maninsuluk dumo aku posaihon nu Belento aiya madi'mo montoa, kalana aku tinokanmo nu kasusa'an, sampamo mae tulungi na aku.

MAZMUR 88:1

Nyanyian. Mazmur nu aha sa'anakan mae i Korah. Anu mongkapalai panyanyi. Ingala i lagu nu nyanyian: Mahalat Leanot, Nyanyian pangajalan i Heman, mian nu Ezrahi.

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YESAYA 59:2

Kalana palabuatan ma'i-ma'idek nu belemiu sahingga Ia madi'mo ahi' mohongo belemiu balado'a hi Ia. Dosa' nu belemiu haha atina' na mongga'at belemiu hi Tumpu.

YEREMIA 32:40

Aku mombaumo palajanjian anu sampe toka sidu-sidutu' hi aha. Aku madi' toho' belenti na mombau palabuatan ma'ima' hi aha. Ku pojadimo na aha da mabuhuk ka' moholomati mae Aku nu kinyonyoa anu totu-totu'u ahi' da aha madi'mo matikojo'on hi Belengku.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

1 SAMUEL 7:12

Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”