MAZMUR 27:6 - KITAB NU TUMPU ALLA LELE MA'IMAI'

⁶ Uuka aiya aku inguntungmo na nahampate nongewa sampobali'ku anu nontikubimo mae aku; jadi aku nontaligalaimo kalana ilame'mo, ka' sinombahkonkumo na koloban bau pontalima kaseh i Lagian nu Belento; aku manyanyimo ka' mompuji'mo Tumpu.

MAZMUR 27:6 ပူးပေါင်းရင်းမြစ်များ

KAJADIAN 40:13

Ka' daagi' tolun sinaa uuka i tomundo mompobebasmo beleyum, ia mongampunimo beleyum ka' po'ule'mo mompokalaja beleyum i kalaja u'utu mae. Beleyum po'ule'mo montatuakon galas nu anu o inum hi tomundo susumo u'utu mae.

KAJADIAN 40:20

Tinoka tolun sinaa, kakona sinaa kinahampean i tomundo, ia nombaumo bau-bauon anu daka' hondo ka' nolagamo iwi-iwi' na anu ko pangkatnyo. Ia nompalentahkon da anu mongkalesang inumon ka' anu mongkalesang roti, osabatakon mae i talungku' ka' oboa mae hi ahop nu aha iwi-iwi' anu ko pangkatnyo i laigan nu tomundo.

2 SAMUEL 22:1

Salatan i Daud pinosalamatmo nu Tumpu lewa' nahampate nongewa i Saul ka' mule' hi iwi-iwi' na sampo bali'nyo sangga'at, i Daud nanyanyimo nyanyian nompuji Tumpu: (

2 SAMUEL 22:49

pinosalamat-Nyomo mae na aku da boli nu patei nu aha anu monsampobali' mae aku O, Tumpu pino untungmo mae nu Belento na aku nahampate nongewa sampo bali'ku; Jinagaanmo nu belento na aku da boli nu patei nu to mia-mian anu uesan.

2 SAMUEL 7:9

Aku saja'mo nonsangalui beleyum maumo pa' moyaya na beleyum, ka' sampo bali' nu beleyum iwi-iwi' singkapmo ihopu'an-Ku tempo'nyo beleyum nahampate. Beleyum Kupotimbalimo mian anu talasanggo susumo mian anu talasanggo i dunia aiya.

2 TOMU-TOMUNDO' 25:27

I tanggan uampulu' ka' popitu' bitu'on ko sampulu'nyomo ka' ohua' i taun ko tolumpulu'nyomo ka' popitu' salatan i Yoyakhin binoamo i lipu' anu pinompojoongan aha, tempo'nyo aitu na i Ewil-Merodakh tininbalimo tomundo' nu Babel. I taunmo aijo' na ia nompotoamo kalibosannyo hi Yoyakhin ka' sinabatakonnyomo na ia i talungku',

1 TAWARIKH 22:18

Ia notatae, “Tumpu Allah nu belemiu montulungimo belemiu ka' nombee'imo kadamean ka' ka'amanan i songko-songko na lipu'. Ia nombee'imo kahosonan aku sahingga noko alamo nompatundu' iwi-iwi' bansa anu naipuan mae jinojoong i lipu' aiya. Tempo' uuka aha tinundu'mo hi beleyum ka' hi Tumpu.

MAZMUR 107:22

Sahanyo aha montalima kaseh ka' momboa anu osombahkon, ka' mule' mombebakon apa-apaa na anu binau-Nyomo, olaguakon nu nyanyian anu bilahi.

MAZMUR 110:7

Tomundo' monginumo uee nu kaunyo i sohipi' nu jalan, salatan pinohosonmo, ia untungmo na mahampate.

MAZMUR 119:108

Talimakon na do'a bau pontalima kasengku, o, Tumpu, ka' potinganakon mae na aku iwi-iwi' na atulan nu Belento.

MAZMUR 138:5

Aha monyanyiakonmo anu pinojadimo nu Belento ka' katalasanggoan nu Belento anu daka' hondo.

MAZMUR 21:1

Anu mongkapalai panyanyi. Mazmur i Daud.

MAZMUR 21:13

Nu peletakonmo na pana'-Nyo, sahingga aha mombalikakonmo ka' mopalaimo.

MAZMUR 3:3

Manjo'mo na anu nompoto'i tukoonyo nu aha Tumpu madi'mo montulungi aku.

MAZMUR 3:4

Panyo Belento, o Tumpu, sumomo kanta anu monjagai mae aku. Belento na mombee'i mae aku ka'untungan mahampate, ka' nu pobibi mae nu Belento na kinyonyoangku.

MAZMUR 47:1

Mazmur nu aha sa'anakan i Korah. Anu mongkapalai panyanyi.

MAZMUR 57:8

Aku palesayamo totu-totu'u, o, Tumpu, aku palesaya totu-totu'u, aku manyanyimo ka' mompuji'mo Belento.

MAZMUR 81:1

Anu mongkapalai panyanyi. Ingala i lagu nu nyanyian: Gitit. Lengkat hi Asaf.

MAZMUR 95:1

Imbo' da kita manyanyi bau pompuji' Tumpu, montaligalai anu momposalamat kita!

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YEREMIA 31:7

Tumpu notatae, “Onyanyiakon lame-lame' na aha Israel, mian anu palesayamo hi beleng-Ku bansa anu penting hondo nulingkudui na bansa sangga'at. Nyanyiakon na nyanyian bau pompuji' ka' bebakonmo; ‘Tumpu nomposalamatmo mian anu palesayamo hi Ia anu dadaagi' tinontuha'.’

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.