MAZMUR 27:5 - KITAB NU TUMPU ALLA LELE MA'IMAI'

⁵ Tumpu na monjagai mae aku de aku nu tokaimo mae nu kasusa'an; Ia momposuluk aku i uno nu Laigan-Nyo, ka' mohangkat aku mokiita' ibungkutnyo nu batu.

MAZMUR 27:5 ပူးပေါင်းရင်းမြစ်များ

2 TAWARIKH 22:12

Anom na taun na kinopinnyo na i Yoas pinosuluk i uno nu Laigan nu Tumpu tempo'nyo i Atalya nompalentah salaku tomundo boune.

MAZMUR 10:1

Kadaka' Belento najo'onmo, o Tumpu, ka' natisulukmo tempo'nyo kami tinokanmo nu kasusa'an?

MAZMUR 119:114

Belentomo na anu montinjohi mae ka' anu monjagai mae aku aku montaha'imanimo anu jinanji' nu Belento.

MAZMUR 138:7

Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

MAZMUR 17:8

Potuu'akon mae na aku susumo batu nu mata nu Belento, posulukakon mae na aku i uno nu polipik nu Belento na montindungi mae aku

MAZMUR 18:33

Iamo na Tumpu anu nombee'imo mae kahosonanku ka' nombauimo mae kajalananku anu madi' ko anu mompoposia.

MAZMUR 31:20

Talalo ahi' manjoo' na kanonongan nu Belento anu pinosadiamo nu Belento bau bagi nu mian anu palesaya! Batu-batuu mian nontoamo kanonongan anu binaumo nu Belento, kona hi aha anu mihohung hi Belento.

MAZMUR 31:21

Belento nomposulukmo aha i uno nu ponjaga'an nu Belento, da madi' nu poko ala nu tanga'an ma'idek nu aha mian anu ma'idek na kinyonyoanyo; jinaganmo nu Belento na aha da aha mihohung hi Belento da madi' nu kona nu tuduhan nu anu mongewa aha.

MAZMUR 40:2

Saban hondo na aku montanda'i bantuan mae nu Tumpu; lantas pinalahatikan-Nyomo mae na aku ka' nompotombihingmo mae anu kinakase'ku.

MAZMUR 40:3

Ihela'-Nyomo mae na aku da madi' nanabu' ibolo' anu mombahayaimo aijo', da madi' manabu' itampalang anu hensekon. Pinojoong-Nyomo na aku ibawo nu puge'nyo nu batu sahingga talakana' ahi' na aku kolangka-langkas.

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 57:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud, tempo'nyo ia nopalaimo ninsoop i uno nu liang da madi' nukabot i Saul.

MAZMUR 61:2

Potombihingakon mae na anu ku kakase aiya, o, Tumpu, inau'akon mae na do'angku aiya.

MAZMUR 61:3

Majo'on i laiganku na aku aiya mongkakase hi Belento, kalana madi'mo ko anu ku taha'imani. Belentoje na momboa aku i tampat popalaian da madi' ko anu mompoposia tampat anu talalo hondo matangkas madi'mo ku poko ala otoka;

MAZMUR 77:2

Pinohosonkumo na aku notatae nongkakase hi Tumpu; pinohosonkumo na aku notatae nongkakase, ka' ia nohongomo mae aku.

MAZMUR 83:3

Soba toa, na anu monsampobali' beleyum molambanimo mae, to mia-mian anu mongka'ideki belento motomuhukmo mae.

MAZMUR 91:1

Mian anu mihohung' hi Anu Matangkas na Kuasanyo, ka' jojoong mingkong hi Anu Daka' na Kuasanyo,

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

AMSAL 18:10

Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.

YESAYA 26:16

Belento nohukumo kami; i uno nu kasansala'an kami po ule'mo nompalesaya Belento, ka' binalado'amo hi belento, o, Tumpu.

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

KOLOSE 3:3

Kalana komiu sinilakamo, ka' kantumuu'an miu madi'mo kantoan tiba i Kristus hi Tumpu.