MAZMUR 27:4 - KITAB NU TUMPU ALLA LELE MA'IMAI'

⁴ Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

MAZMUR 27:4 ပူးပေါင်းရင်းမြစ်များ

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

MAZMUR 23:6

Ku sumbu' na Belento manonong hondo mae hi belengku, ka' saja' mongkalibosi aku. Sahingga aku timbali jojoong i laigan nu Belento, tempo'nyo aku daagi' tutuu'.

MAZMUR 26:6

Ku baso'i na limangku salaku bau pontandai madi' kokasala'an, ka' lumajang montikubi mezbah nu Belento, o Tumpu,

MAZMUR 26:8

Aku mongka'ima'i hondo Laigan nu Belento, o Tumpu, tampat kajojoongan nu Belento anu talalo hondo talasanggo.

MAZMUR 27:8

Belento notataemo, “Tokamo mae monsombah Aku.” Tinaamankumo, “Aku malia-lia'mo mae toka, o Tumpu;

MAZMUR 50:2

Lengkat mae i Sion kota' anu ma'ima' hondo Tumpu tinokamo mae ka' binalasahayamo.

MAZMUR 65:4

Dosa'ku iwi-iwi' naboatmo hondo hi belengku, panyo ingampunanmo nu Belento.

MAZMUR 84:10

Balakatiakon mae na tomundo' mami, O, Tumpu, jagaiakon mae na mian anu pinile'anumo nu Belento.

MAZMUR 84:4

Ka' mule' tomonsi' toto ise-ise binee'anmo laigan ka' tomonsi petajuk suele binee'anmo sa'angu' na peta, bau pompojoongan nu aha soma'nyo koko mezbah nu Belento, O, Tumpu Anu Daka' na Kuasanyo, Tomundo'ku ka' Tumpu-ngku.

MAZMUR 90:17

O, Tumpu mami, balakatiakon mae na kami, da anu okalaja mami iwi-iwi' ko hasinnyo ahi'.

YEREMIA 29:13

Belemiu moliomo Aku ka' Aku ohumpakmo nu belemiu, kalana oliomo nu belemiu nu kinyonyoa anu totu-totu'u.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

LUKAS 10:42

padahan anu penting ola sa'angu'. Ka' i Maria nompile'imo anu ma'ima', anu madi'mo timbali o ala aijo' hi ia.”

LUKAS 13:24

“Bala usaha da minsoop montulu sabatan anu soki. Kalana, inau'! Da'isan na mian bala usaha minsoop, panyo madi' timbali.

LUKAS 18:1

Lapas aijo' i Yesus nonsisikakonmo sa'angu' na kantuangan da bau pompotingan anu saja' mombatuki Ia, da aha aja' balado'a, ka' boli mongoa'i susa'.

LUKAS 2:37

i Hana binalumo, ka' uuka umunnyo uwalumpulu'mo opat na taun. Madi' toho' ia mompala'i Laigan nu Tumpu. Sinaa ka' malom, ia monsombah i kiijo' hi Tumpu balado'a ka' bapuasa'.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

FILIPI 3:13

Tantu, to Utu-utus aku totu-totu'u madi' mongoa'i au'aitu aku kinohasinnyomo nohumpakmo tambo aijo'. Panyo daagi' ko sa'angu' na han anu binaungkumo, aijo'mo ku kolilimimo apaa na anu i hikungku ka' mongusahakonmo totu-totu'u da mohumpak apaa na anu aiya mae i ahop.

1 TIMOTIUS 5:5

Balu anu totu-totu'u me butong sausa', ka' madi'mo ko anu pa' ihe na anu timbali montombuati, ia me taha'iman hi Tumpu. Sinaa ka' pihi ia la saja' balado'a hi Tumpu momoita da Nu montulungi.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

1 SAMUEL 1:11

Lapas aijo' i Hana nonjanji'mo, ia notatae, “O Tumpu Anu Daka'na kuasanyo, toakon mae na posaihon nu belento aiya! Toakon mae na kasusa'anku aiya. Inau'akon mae na aku ka' boli mae okolilimi na aku! De belento Tumpu mombee'i mae hi belengku aiya samian na anak mo'ane, aku mojanji ku bee'je na anak aijo' hi belento Tumpu na kantumuu'annyo sidu-sidutu'. Aku mojanji' mule' da ubaknyo madi' timbali ogunting.”

1 SAMUEL 22:10

I Ahimelekh nompoitamo pokinde' hi Tumpu pa' apaa na anu tionyo ahi' nu bau i Daud. Ka' mule' i Daud binee'anmo mantu tiba bajak i Goliat, mian nu aha Filistin aijo'.”

1 SAMUEL 30:8

Lapas aijo' pinokilawamo i Daud hi Tumpu, “Pa' tionyo ahi' ku loloi' na mian anu nambamo mae nontumbuhi aijo'? Pa' timbali ku tuusakon na aha?” Tinaaman nu Tumpu, “Ii' timbali, loloi'mo, timbali nu tuusakon na aha ka' po ule'mae nu boa na anu ihakopmo nu aha.”