MAZMUR 25:5 - KITAB NU TUMPU ALLA LELE MA'IMAI'

⁵ Pokinde'i mae ka' potinganakon mae na aku da tumuu' mombatuki pongka'oho' nu Belento, kalana Belentomo na Tumpu anu momposalamat aku, aku saja' montaha'imani Belento.

MAZMUR 25:5 ပူးပေါင်းရင်းမြစ်များ

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

NEHEMIA 9:20

Kalana kuasa nu Belento anu ma'ima' hondo aijo' binaumo salaku pokinde' nu Belento hi aha. Aha nongkaanmo manna ka' nonginumo uee sampe sinukup hondo.

AYUB 36:22

Sabole-bole otutugi, Tumpu Allah aijo' totu-totu'u daka' hondo na kuasanyo. Te daagi' ko gulu' anu sumo Ia na kopandenyo.

MAZMUR 107:7

Ia nolaya'mo aha da nontulumo jalan anu hodi' nambamo i kota' da bau kajojoongan.

MAZMUR 119:26

Aku mongakuimo palabuatanku, lantas tinaamanmo nu Belento na aku; potiju'akon mae na aku atulan nu Belento.

MAZMUR 119:33

O, Tumpu, pangajali mae na aku da mangalati' hi atulan nu Belento iwi-iwi' da ku tuluti sampe i ka'ahenannyo.

MAZMUR 119:66

Bee'i mae na aku kapandean ka' ilimu' da monsumbu' apa-apaa, kalana ku palesaya na palentah iwi-iwi' nu Belento.

MAZMUR 119:97

Talalo hondo ku ka'ima'i na atulan nu Belento; ku tutugi sansina-sinaa.

MAZMUR 22:2

O Tumpu-ngku, Tumpu-ngku, kadaka' Belento nompala'imo aku? Aku kahanda' mongkakase, panyo Belento sabole-boleh mojo'on ka' madi' mae montulungi aku.

MAZMUR 24:5

Iamo na anu nu balakati ka' nuposalamat nu Tumpu, ka' anu nupoto'imo nu Tumpu Allah na ia madi' ko kasala'annyo.

MAZMUR 25:10

Mian anu mohongo-hongo hondo apaa na anu jinanji'-Nyomo ka' hi atulan-Nyo, saja' nukalibosi nu Tumpu ka' madi' nu kolilimi.

MAZMUR 25:8

Kalana Tumpu manonong ka' adin, Ia na mompotiju' jalan hi mian anu sinala'mo na jalan.

MAZMUR 68:20

Opuji' na Tumpu, kalana Iamo na Tumpu anu momposalamat kita; sansina-toka sansinaa n simbu na kolononto.

MAZMUR 79:9

Tulungiakon mae na kami o, Tumpu, Anu momposalamat mae kami, ampuniakon mae na dosa' mami iwi-iwi' ka' pobebasmo mae na kami da Belento o holomati.

MAZMUR 86:3

Belentomo na Tumpungku, kalibosi mae na aku o, Tumpu kalana sansina-sinaa aku balado'a hi Belento.

MAZMUR 88:1

Nyanyian. Mazmur nu aha sa'anakan mae i Korah. Anu mongkapalai panyanyi. Ingala i lagu nu nyanyian: Mahalat Leanot, Nyanyian pangajalan i Heman, mian nu Ezrahi.

AMSAL 23:17

Boli mongka'ideki mian anu baladosa'. Saja' o tuluti na Tumpu Allah,

AMSAL 8:34

Mohumpak kasaangan i uno nu kantumuu'an na mian anu mompotombihing mae aku, anu toka sansina-sinaa sumuhang montanda'i isabatan nu laiganku, ka' balajaga-jaga isabatan daka'nu laigan kajo-kajojoonganku.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 49:10

Aha madi'mo megot ka' mo'ohop, ka' madi'mo nu kona nu singit ipadang tampat anu mateges. Kalana Tumpu mongkalibosimo aha ka' mompotiju'mo aha, ka' montaka'mo mamba i mata nu uee.

YESAYA 54:13

Iwi-iwi' na mian anu jojoong hi beleyum timbalimo to muli-mulid-Ku, aha sanangmo ka' bilahimo na kantumuu'an nu aha.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

LUKAS 18:7

Yo, te Tumpu madi' montinjohi palakala nu mian anu palesayamo hi Ia, anu momoita tulung hi Ia sinaa ka' malom? Te Ia montunda-tunda tempo' na montulungi aha?

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

ROMA 8:14

To mia-mian anu nukuasai nu Roh nu Tumpu, aijo' ana-anak nu Tumpu.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”