MAZMUR 25:3 - KITAB NU TUMPU ALLA LELE MA'IMAI'

³ Anu madi' montapali Belento, na opopo'ambang panyo anu palesaya hi Belento na madi' ahi' ise-ise' na kinyonyoa.

MAZMUR 25:3 ပူးပေါင်းရင်းမြစ်များ

KAJADIAN 49:13

I Zebulon jojoong koko ambai; to kapa-kapan manilabumo i biwi nu bone'; toka-toka i Sidon na potempasan nu da'erahnyo.

1 TAWARIKH 10:13

I Saul sinilakamo kalana ia madi' tinulu-tulutan hi Tumpu, ka' madi'mo nompajuli palentah nu Tumpu. Ia madi'mo nomoita pokinde' hi Tumpu, panyo ola mule' ahi' nomoita pokinde' hi to santu-santuu' nu mian anu sinilakamo. Kalana aijo' ia i hukummo nu Tumpu ka' binee'mo na pangkatnyo salaku Tomundo' hi Daud anak i Isai.

MAZMUR 109:3

Aha lewa'mo montaloakon mae hi belengku potatae anu soa'nyo mongka'ideki mae, ka' mompahampateakonmo mae aku mau madi' ko sababnyo.

MAZMUR 119:78

Bakas da mian anu kobubuun ma'ambangmo kalana lewa'mo nompobau-bau aku, panyo aku na nompotutugakonmo ahi' palentah iwi-iwi' nu Belento.

MAZMUR 123:2

Susumo samian na posaihon ola taha'iman hi tuannyo, ka' samian na posaihon boune suele ola taha'iman hi nyonyanyo, sumo aijo'mo na kami montanda'i Belento, o, Tumpu, Tumpu mami, sahingga Belento mongkalibosimo mae kami.

MAZMUR 132:18

Kalaja'annyo saja'mo mohumpak ka'ima'an, panyo iwi-iwi' na mian anu monsapobali' aha opopoambangmo.”

MAZMUR 22:6

Aha mongkakasemo da otulungi, lantas aha madi'mo sinilaka; aha montaha'imani, lantas aha madi'mo ingise-ise' na kinyonyoa nu aha.

MAZMUR 27:14

Sabole-bole ahi' taha'iman hi Tumpu, pohoson ka' bolimo mongabali' na kinyonyoa nu beleyum; ingat, sabole-bole ahi' taha'iman hi Tumpu.

MAZMUR 31:17

De timbali Belento sanang mae ahi' hi posaihon nu Belento aiya; posalamatakon mae na aku nu kalibosan nu Belento.

MAZMUR 31:18

Boli opojohok mae na aku mohumpak ambang, o Tumpu, kalana aku nongkakasemo hi Belento. Pojohok na mian anu ma'idek na palabuatannyo opopo ambang, ka' hoko-hokot aha mintatau'mo idunia nu mian anu sinilakamo.

MAZMUR 33:20

Jadi kita montaha'imani ahi' Tumpu Ia ahi' na montulungi mae ka' montinjohi mae kita.

MAZMUR 35:26

Sahanyo mian anu sanang na montoa kasansala'anku timbalimo bingong ka' mohumpakmo ambang. Sahanyo mian kobubuun mae hi belengku o'alu ka' opopo ambang.

MAZMUR 37:34

Tumpumo ahi' na otaha'imani ka' tulutimo nam palentah-Nyo, sahingga Nu hangkatmo na beleyum da mompusaka'imo tano' aijo'; nu toaje na mian anu ma'idek na kinyonyoanyo ogalisimo.

MAZMUR 6:10

Tumpu nompotombihingmo mae aku nongkakase ka' tinalima-Nyomo na do'angku.

MAZMUR 62:1

Anu mongkapalai panyanyi. Ingala i lagu: Yedutun. Mazmur i Daud.

MAZMUR 62:5

Belemiu ola batanga' monabu'akon ia da madi'mo talasanggo na sanggonyo. Belemiu mongka'ima'imo baleko'; nganga' nu belemiu montaloakon mombalakati, panyo i uno nu kinyonyoa nu belemiu montotobi'akon.

MAZMUR 69:4

Aku lewa'mo nomoita tulung sahingga aku nalawemo ka' mule' gogohongku pinakamo hondo. Matangku naposmo hondo na lewa' montanda'i Tumpungku pa' hipian mae na montulungi aku.

MAZMUR 69:6

O, Tumpu nu sumbu' nu Belento na kasala'anku iwi-iwi' dosa'ku madi' tompo suluk hi Belento.

MAZMUR 71:13

Bakas da mian anu montumbuhi mae aku opopo'ambangmo ka' osilakaimo. Bakas da mian anu kahanda'mo, monsilakai mae aku, bingongmo ka' mongoa'imo ma'ambang.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YEREMIA 20:11

Panyo Belento o Tumpu montinjohi mae aku, Belento mahoson hondo ka' baani. Aha anu mololoi' mae aku ka' saja' monsakisa aku saidi' mae tombahangkangmo ka' madi'mo daagi' moko ala mombau apa-apaa. Aha saidi' mae ma ambangmo sampe toka sidu-sidutu', madi'mo jadi iwi-iwi' na tanga'an nu aha. Ka' ambangan nu aha aijo' saja'mo bau ingatan.

MOHAANGI 3:25

Tumpu sanang hi mian anu montaha'imani ia, ka' hi mian anu molio ia.

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

YOHANES 15:25

Panyo memang sumo aitumo, da timbali apaa na anu tinulis i uno nu Kitab nu Atulan nu aha, aijo'mo: ‘Aha mongka'ideki Aku, mau madi' ko sababnyo.’

ROMA 8:25

Panyo de kita montaha'imani apa-apaa anu ma'isa tinoanto, yo kita sabaan na montanda'i.