MAZMUR 25:18 - KITAB NU TUMPU ALLA LELE MA'IMAI'

¹⁸ Toakon mae na kasansala'anku ka' kasusa'anku, ka' ampuniakon mae na dosa'ku iwi-iwi'.

MAZMUR 25:18 ပူးပေါင်းရင်းမြစ်များ

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

MAZMUR 119:132

Siloi mae na aku ka' kalibosi mae na aku, susumo belento mongkalibosi anu mongka'ima'i Belento.

MAZMUR 119:153

Toakon mae na kasansala'anku ka' posalamatakon mae na aku, kalana aku madi' mongkolilimi atulan nu Belento.

MAZMUR 132:1

Nyanyian mamba i tampat anu ko balakatnyo. O, Tumpu, inau'akon na i Daud, ka' iwi-iwi' na kasansala'annyo.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

MOHAANGI 5:1

Inau' pe'e mae, o Tumpu, apaa na anu jinadimo aiya hi kami. Toa mae na kami, ka' tonto'i mae na kahina'an mami.

MATIUS 9:2

I kiijo' mian nomboa hi Ia samian anu lupe, pinomale' i ampas. Tempo'nyo i Yesus nontoa kinodaka'nyo na palesaya nu to mia-mian haha aijo', Ia notatae hi mian lupe aijo', “Sabaan, anak-Ku! Dosa-dosa'um ingampunanmo.”

LUKAS 1:25

Notatae na ia, “Ahennyo Tumpu nontulungi aku, ka' nohapusakon ka'ambanganku.”

1 SAMUEL 1:11

Lapas aijo' i Hana nonjanji'mo, ia notatae, “O Tumpu Anu Daka'na kuasanyo, toakon mae na posaihon nu belento aiya! Toakon mae na kasusa'anku aiya. Inau'akon mae na aku ka' boli mae okolilimi na aku! De belento Tumpu mombee'i mae hi belengku aiya samian na anak mo'ane, aku mojanji ku bee'je na anak aijo' hi belento Tumpu na kantumuu'annyo sidu-sidutu'. Aku mojanji' mule' da ubaknyo madi' timbali ogunting.”