MAZMUR 25:12 - KITAB NU TUMPU ALLA LELE MA'IMAI'

¹² Tumpu nompokinde'imo mian anu palesayamo jalan anu tionyo otului.

MAZMUR 25:12 ပူးပေါင်းရင်းမြစ်များ

KAJADIAN 26:2

Han aijo' binaunyo kalana Tumpu nanintoamo hi ia ka' notatae, “Boli mamba mokiijo' i Mesir; jojoongmo i lipu' aiya susumo anu pinalentahkon-Kumo hi beleyum.

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 32:8

Tumpu notatae, “Ku potiju'je na jalan anu tionyo ahi' nu jalani beleyum Ku taka'je ka' Ku pokinde'ije.

MAZMUR 37:23

Tumpu montaka' mian ijalan anu nu jalani, Ia mompohoson mian anu kantumuu'annyo situju hi Ia.

NOSABATMO 4:15

Basale'mo tiba ia, ka' poto'i hi ia apaa na anu tionyo nutaloakon i Harun. Ku tulungije na belemiu ohua' ka' mompogulu' apaa na anu tionyo otaloakon nu belemiu ka' obau.

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 15:33

Mabuhuk hi Tumpu atina'mo na tampu'unannyo nu pangajalan anu ma'ima', panyo madi' kobubuun na kinyonyoa na obau pe'e ahi' momona atina'je ka' kaholomatan.

AMSAL 16:6

Mian anu tulu-tulutan hi Tumpu Allah mohumpak ka'ampunan; mia anu tulu-tulutan hi Tumpu madi' mombau palabuatan anu ma'idek.

AMSAL 2:5

Tiba jalan anu sumo aijo' nusumbu'je nu beleyum apaa na alati'nyo mabuhuk hi Tumpu ka' beleyum mohumpakje ilimu' ihe na Tumpu Allah aijo'.

AMSAL 2:9

De beleyum montuluti aku, o anakku, nusumbu'je nu beleyum apaa na aijo' adin, hodi' na kinyonyoa, ka' ma'ima'. Beleyum suele monsumbu'je mosia na beleyum mongatun kantumuu'an.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

SISIKON NU TO RASUL-RASUL 10:2

Ia mian anu mabuhuk hi Tumpu ka' iwi-iwi' na to utu-utusnyo monsombah Tumpu. Ia saja' montulungi mian nu Yahudi anu kasiasi, ka' ia saja' balado'a hi Tumpu.

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 11:14

Ia nompotokamo hi komiu lele anu momposalamat beleyum ka' to utu-utusum.’

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

YOSUA 3:4

panyo lumajang boli talalo ohani hi Peti' aijo'; batuki aiya mae i mihi sa'angu' na kilometen na kojo'onnyo. Tiba jalan anu sumo aijo' da osumbu' nu belemiu na jalan anu tionyo ahi' otului nu belemiu, kalana belemiu ma'isa toho' notulu i da'erah aiya.”

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

1 SAMUEL 9:6

Posaihon aijo' nontaami, “Boli pe'e! I kota aiya daagi ko posaihon nu Tumpu Allah. Ia o angga'i hondo nu mian kalana apaa na anu nu taloakon saja' totu-totu'u jadi madi' baleko'. Imbo' da kita mamba hi ia, ihe na monsumbu' timbali nu poto'i, iyamae na keledai haha uutu.”