MAZMUR 25:11 - KITAB NU TUMPU ALLA LELE MA'IMAI'

¹¹ O Tumpu, ampuniakon mae na aku susumo anu jinanji'mo nu Belento, kalana dinaka'mo hondo na kasala'anku.

MAZMUR 25:11 ပူးပေါင်းရင်းမြစ်များ

MAZMUR 109:21

Panyo tulungiakon mae na aku susumo anu jinanji'mo nu-Belento, o, Tumpungku, posalamatakon mae na aku kalana kanonongan ka' kalibosan nu Belento.

MAZMUR 143:11

Posalamatakon mae na aku susumo anu jinanji'mo nu Belento, o, Tumpu, kalana kanonongan nu Belento, pobebasakon mae na aku da madi' mongoa'i kasansala'an.

MAZMUR 31:3

potombihingakon mae na aku ka' sampamo mae pobebas na aku lia-lia'. Potimbalimo mae susumo bungkutnyo nu batu hi belengku da bau pihohunganku susumo benteng anu mahoson tampat kasalamatanku.

MAZMUR 79:9

Tulungiakon mae na kami o, Tumpu, Anu momposalamat mae kami, ampuniakon mae na dosa' mami iwi-iwi' ka' pobebasmo mae na kami da Belento o holomati.

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

YESAYA 48:9

Aku nongintimo tambuha'-Ku da sanggong-Ku talasanggo iyaya mae, Aku nongintimo tambuha' aijo' hi beleyum da beleyum boli osilakai.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEHEZKIEL 20:9

Panyo aijo' madi' binaung-Ku da sanggong-Ku boli mae o'alu nu to bansa-bansa itampat kajojoongan nu aha. Kalana i ahop nu bansa haha aijo' Aku nombebakonmo tukoong-Ku bansa Israel Ku sabatakonmo lengkat i Mesir.

YEHEZKIEL 36:22

Kalana aijo' poto'iakon apaa na anu Kupoto'i nu Aku Tumpu Anu Matangkas na Kuasanyo hi aha bansa Israel, ‘Apaa na anu saidi' mae Kubau misa' kalana belemiu o to mia-mian nu Israel, panyo kalana ahi' sanggong-Ku anu susi', anu ihumimi'ianmo nu belemiu iyaya mae na kalambanan nu belemiu.

ROMA 5:15

Panyo ua-ua'aha aijo' madi' pokakana; kalana balakat nu Tumpu lebe daka' de opokakanakon tiba panggaga i Adam anu madi-madi' mohongo-hongo. Panggaga nu samian monsaduakon mian da'isan mate. Lebe daka' mule' na balakat nu Tumpu tiba kasalamatan anu binee'-Nyo hi mian anu sumo aijo' na konjoo'nyo, kalana ka'ima'an nu kinyonyoa nu samian, aijo'mo i Yesus Kristus.

1 YOHANES 2:12

Aku nontulismo toka hi belemiu, to Ana-anak, kalana dosa' miu ingampunanmo, aijo' ola kalana i Kristus.