MAZMUR 24:4 - KITAB NU TUMPU ALLA LELE MA'IMAI'

⁴ Mian anu madi' ko alunyo na pikilannyo ka' madi' mombau anu ma'idek, anu madi' mimpula-pula basumpa' ka' madi' monsombah pilogot.

MAZMUR 24:4 ပူးပေါင်းရင်းမြစ်များ

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

AYUB 9:30

Madi' ko sabung anu moko ala mompobelesi' dosa'ku!

MAZMUR 143:8

De subu-subumo po'ingatakon mae hi belengku na kalibosan nu Belento, kalana olamo Belento na anu ku taha'imani. Potiju'akon mae hi belengku na jalan anu tionyo ahi' ku jalani, kalana olamo hi Belento na anu pompotokanku do'a.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

MAZMUR 18:20

Ia nompolapas aku da madi' kinona nu balaa' ka' nomposalamatmo aku kalana Ia sinosokmo hi belengku.

MAZMUR 25:1

Mazmur i Daud. Hi Belento, o Tumpu, na pompotokanku do'angku,

MAZMUR 26:6

Ku baso'i na limangku salaku bau pontandai madi' kokasala'an, ka' lumajang montikubi mezbah nu Belento, o Tumpu,

MAZMUR 51:10

Sahanyo aku sola'mo mohongo lele anu lame', da kinyonyoa anu ihansunanmo nu Belento aiya po ule' ahi' montaligalai.

MAZMUR 51:12

Pojadiakon mae na kinyonyoangku anu madi' ko galo-galo'nyo o Tumpu, po ule' bau mae da bu'ou na kinyonyoangku ka' ko kasabanan ahi'.

MAZMUR 73:1

Mazmur i Asaf. Manonong hondo na Tumpu Allah hi mian anu palesayamo hi Ia, ka' mule' hi mian anu kinyonyoanyo hodi'.

AMSAL 20:9

Daagi' ko mian, anu moko ala motatae “Kinyonyoangku belesi, aku madi'mo binala dosa'?”

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

YEREMIA 5:2

Belemiu natataemo, koonyo nu belemiu nonsombahmo Tumpu pada hal tanga'an nu belemiu na madi' ahi' sumo aijo'.

YEHEZKIEL 18:15

Anak aijo' madi' mongka'oho' monsombah pilogot nu aha Israel, kabai mongkaan koloban anu sinombahkonmo itampat-tampat anu lewa' ponsomban pilogot. Ia madi toho' nonggoda bengkele' nu mian,

YEHEZKIEL 18:6

Ia madi' monsombah pilogot nu aha Israel kabai mongkaan koloban palasombahan itampat-tampat ponsomban to pilo-pilogot. Ia madi' toho' monggoda bengkele' nu mian sangga'at kabai moduhusmo boune anu tinokamo na adat nu aha boune.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 5:8

Bila-bilahi na mian anu molino na kinyonyoanyo; aha monsumbu'je Tumpu!

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

PO'ULE' INGULIT 4:19

Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.

1 TIMOTIUS 1:10

mongkona to mia-mian anu lewa' masala', talalo napisu nyo, lewa' mompopalaihakon to ana-anak talalo baleko'; to saki-sakisi baleko', ka' maumo ihe na mombau hahan anu mompaha sala' tiba pangajalan anu totu'u.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.