MAZMUR 24:3 - KITAB NU TUMPU ALLA LELE MA'IMAI'

³ Ihe na moko ala mindako i Bungkutnyo nu Tumpu, ka' minsoop i uno nu Laigan-Nyo?

MAZMUR 24:3 ပူးပေါင်းရင်းမြစ်များ

1 TAWARIKH 15:1

I Daud nombaumo laigan tino pia-piangkuka i kota' Daud bau kajojoongannyo, ka' nomposadiamo tampat pompo'una'an Peti' Palajanjian nu Tumpu Allah, lantas nombaumo kemah pompo'una'an Peti' aijo'.

MAZMUR 15:1

Tumpu, ihe na timbali jojoong sasaingoni' i Kemah nu Belento ka' jojoongi bungkutnyo nu Belento anu susi'.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 65:4

Dosa'ku iwi-iwi' naboatmo hondo hi belengku, panyo ingampunanmo nu Belento.

MAZMUR 68:18

Pulu'an nu madala na kareta anu otaha'imano; Tumpu tinokamo hi aha, Ia nompotoamo katalasanggoan-Nyo.

YEHEZKIEL 44:5

ka' Tumpu notataemo mae hi belengku, “O manusia anu madi' tumuu' batu, palahatikan ima-ima' apaa na anu tinoamo nu beleyum ka' ihongomo nu beleyum. Ku poto'imo hi beleyum iwi-iwi' na palentah tiba atulan mongkona Laigan-Ku aiya. Tulis ima-ima' ihehe na anu timbali opobee' minsoop i Laigan-Ku ka' mule' ihehe na anu madi' opobee'.

YEHEZKIEL 44:9

Aku, Tumpu Anu Matangkas na Kuasanyo, mombebakonmo taalu' mian anu isalipu'an mae ka' mule' madi' sinunat ka' mian anu madi' montuluti Aku, madi' timbali opobee' minsoop i Laigan-Ku. Aijo' opake suele hi aha mian anu isalipu'an mae anu jojoongmo tataap itotonga' nu aha bansang Israel.”

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

YOHANES 13:36

“Tumpu, Tumpu moyamo?” pinokilawa i Simon Petrus hi Yesus. Tinaaman i Yesus, “Iyaa na kalamabanan-Ku madi' nu poko batuki uuka aiya. Saidi' mae nubatukije na Aku.”

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.