MAZMUR 24:2 - KITAB NU TUMPU ALLA LELE MA'IMAI'

² Ia nompokokomo salaku bau katinjoannyo ibawo nu ndalangon, ka' pinotinjomo i bawo nu uee anu maleng hondo.

MAZMUR 24:2 ပူးပေါင်းရင်းမြစ်များ

KAJADIAN 8:22

Salatanmo pe'e dunia aiya daagi' ko tempo'nyo mosu'an, ka' mongala bua'nyo, tempo'nyo nu bakin ka' tempo'nyo nu panas, tempo'nyo nu posinaa ka' tempo'nyo nu ehua, sina ka' malom.”

AYUB 38:4

Pa' kinobeleyumo tempo'nyo Aku nompotimbali dunia? De totu'u manjoo' na anu nusumbu' nu beleyum, soba poto'i mae!

MAZMUR 136:6

Ia nompokabamo tano' i bawo nu uee, kalibosan-Nyo sampe toka sidu-sidutu'.

MAZMUR 33:6

Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

MAZMUR 89:12

Langit ka' tano' Belento na tumpu-Nyo, dunia ka' iwi-iwi' na isinyo Belento na nompotimbali.

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

MAZMUR 95:4

Ia mongkuasai bahagian anu toto leleeng aiya i dunia, bawonyo nu bungkutnyo iwi-iwi' suele Ia na tumpu-Nyo.

MAZMUR 96:10

Polelemo hi to bansa-bansa, “Tumpu aijo' Tomundo! Dunia mahoson madi' opoko ala ogayu'; Ia momputusi hukuman nu to bansa-bansa adin hondo.”

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.