MAZMUR 24:1 - KITAB NU TUMPU ALLA LELE MA'IMAI'

¹ Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

MAZMUR 24:1 ပူးပေါင်းရင်းမြစ်များ

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

1 TAWARIKH 29:16

O Tumpu Allah mami, iwi-iwi' na balang anu mahan na olinyo aiya i limu'mo mami aiya, da obau sa'angu' na laigan bau kajojoongan nu Belento anu susi'. Panyo iwi-iwi' aiya i humpak mami hi belento ka' mule' belento ahi' na tumpunyo.

2 TAWARIKH 25:9

“Panyo mosia na salaka iwi-iwi' anu binee'kumo hi aha?” na koonyo i Amazia. Tinaaman nu nabi aijo', “Tumpu timbali monsule'akon hi belento tomundo lebe manjoo' molingkudui aijo'!”

AYUB 34:13

Lengkat me hi he na pohumpakan nu Tumpu Allah kuasanyo? Ihe na nompokuasamo dunia aiya hi ia?

AYUB 41:11

Ihe na moko ala montumbuhi ia ka' madi' konaon? I dunia aiya madi' ko anu moko ala mombau sumo aijo'.

AYUB 41:3

Te ia timbali mongkakaase hi beleyum da ia opobebas? kabai monsale' hi beleyum mongkakaase da okalibosi?

MAZMUR 50:10

kalana iwi-iwi na binatang anu i uno nu alas Aku na tumpu-Nyo ka' potuu'on imada-madalan nu bungkutnyo.

MAZMUR 50:12

De maluanyo Aku mo ohop, madi' pilenje ku poto'i hi belemiu kalana apaa na anu i unonyo nu dunia Aku mule' ahi' na tumpu-Nyo.

MAZMUR 89:11

I Rahab, ulo daka-daka' nu ambai, i hungku'anmo nu Belento ka' pinateanmo nu Belento, lima nu Belento anu tala-talalo hondo mahoson na nompatundu'mo iwi-iwi' na anu monsampobali' Belento.

MAZMUR 89:12

Langit ka' tano' Belento na tumpu-Nyo, dunia ka' iwi-iwi' na isinyo Belento na nompotimbali.

MAZMUR 98:7

Pombuhokmo mae na belemiu ambai tiba iwi-iwi' na isinyo dunia ka' iwi-iwi' na anu monjojoongi.

NOSABATMO 19:5

Uuka aiya de belemiu tulu-tulutan hi beleng-Ku ka' mohongo-hongomo palajanjian-Ku, belemiu Ku potimbalimo mian anu palesayamo hi beleng-Ku. Songko-songko na dunia aiya Aku na tumpunyo, panyo belemiu akumo na tumpunyo anu talalo Ku kalibosi,

NOSABATMO 9:29

Notataemo na i Musa hi Tomundo, “Malia-lia'je ku do'akon de aku tokamo i sambiha'nyo nu kota, ku tangkakonje na limangku mokiita' hi Tumpu. Gohung madi'mo lumontup ka' ujan eis madi'mo tudun, da nusumbu' nu belento Tuanku taalu', dunia aiya anu nu Tumpu.

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

NAHUM 1:5

Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

1 KORINTUS 10:26

Kalana i uno nu Kitab nu Tumpu tinulismo, “Dunia aiya tiba iwi-iwi' na isinyo anu nu Tumpu.”

PO'ULE' INGULIT 10:14

Tumpu Allah nu belemiu ko langit-Nyo matangkas; ka' ko tano'-Nyo ka' iwi-iwi' apaa na anu daagi' aijo' i tano'.