MAZMUR 23:4 - KITAB NU TUMPU ALLA LELE MA'IMAI'

⁴ Maumo aku nontulumo bangka'nyo anu pikat, aku madi' nabuhuk i apa-apaa na anu nonsilakai, kalana Belentomo na nonsangaluimo aku. Belentomo na nonjagai aku sumomo samian na polaya' anu nonjagaimo dombanyo nu tokonnyo ka' amangkunnyo.

MAZMUR 23:4 ပူးပေါင်းရင်းမြစ်များ

AYUB 24:17

Hi ia de subumo nu kabuhuk hondo, panyo anu talalo hondo pikat aijo' na nu ka'ima'i hondo.”

AYUB 3:5

Potimbalimo na sinaa aijo' mo'itom totu-totu'u, pikat taha-tahahumo, madi'mo ko anu otoa-toa; saputmo nu kundom ka' mombun anu kahando'mo ujan pense'akon mae nu jingka anu majingka hondo.

MAZMUR 110:2

Lengkat mae i Sion Tumpu mompodaka'mo kalaja'an nu beleyum; kuasaimo na aha anu monsampobali' beleyum!

MAZMUR 118:6

Aku madi' mabuhuk kalana Tumpu na monsangalui mae aku, manusia madi' moko ala mombau apa-apaa hi belengku.

MAZMUR 138:7

Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

MAZMUR 14:5

Mian anu ma'idek na kinyonyoanyo saidi' mae mabuhukmo kalana Tumpu na monjagai ahi' mian anu tulu-tulutan hi Ia.

MAZMUR 3:6

Aku i nale'mo ka' i hoyotmo madi'mo ko anu nompoposia, ka' po'ule' mule' nobula, kalana Tumpu na nontinjohimo mae aku.

MAZMUR 44:19

Kinyonyoa mami madi' monsangka Belento; palentah nu Belento madi' okolilimi mami.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

ZAKHARIA 11:10

Lantas tokon anu sinanggohanku i “Kanonongan” aijo' ingalangkumo ka' pinato'kumo da bolimo osidahakon na palajanjian anu binaumo nu Tumpu hi iwi-iwi' na bansa.

ZAKHARIA 11:14

Lapas aijo' pinato'kumo na tokonku ko ohua'nyo, aijo'mo anu kusanggohi “Posegotan”, maka no poso'mo na posaangu'an i Yehuda ka' Israel.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

2 TIMOTIUS 4:22

O'amalakon da Tumpu saja' monsangalui beleyum. O'amalakon da Tumpunto mombalakati to Utu-utus! Tabea' mami, I Paulus 10