MAZMUR 23:3 - KITAB NU TUMPU ALLA LELE MA'IMAI'

³ Ia nombee'imo aku kahosonan anu i humpakje mule', ka' nontaka'mo aku nontulu jalan anu totu'u, susumo anu jinanji'-Nyomo.

MAZMUR 23:3 ပူးပေါင်းရင်းမြစ်များ

AYUB 33:30

da manusia timbali nuposalamat nu Tumpu Allah ka' mombee'i kabilahian i uno nu kantumuu'annyo nu manusia.

MAZMUR 106:8

Panyo pinosalamatmo nu Tumpu na aha kalana kapentingan nu butong-Nyo, da kabaanian-Nyo oponyata'mo.

MAZMUR 109:21

Panyo tulungiakon mae na aku susumo anu jinanji'mo nu-Belento, o, Tumpungku, posalamatakon mae na aku kalana kanonongan ka' kalibosan nu Belento.

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

MAZMUR 31:3

potombihingakon mae na aku ka' sampamo mae pobebas na aku lia-lia'. Potimbalimo mae susumo bungkutnyo nu batu hi belengku da bau pihohunganku susumo benteng anu mahoson tampat kasalamatanku.

MAZMUR 31:4

Memang Belento sumomo ahi' bungkutnyo nu batu ka' salaku benteng anu mahoson pihohunganku! Taka' mae na aku susumo anu jinanji'mo nu Belento.

MAZMUR 34:3

Aku binilahimo kalana palabuatan nu Tumpu; o'amalakon da mian anu sinansalamo mohongo mae ka' lame'mo.

MAZMUR 5:8

Panyo kalana talalo hondo Belento mongkalibosi, aku timbali minsoop i uno nu Laigan nu Belento. Aku tolodadupu monsombah mongahopi Laigan nu Belento anu susi', ka' ku sombah na Belento kalana talalo ku angga'i.

MAZMUR 51:10

Sahanyo aku sola'mo mohongo lele anu lame', da kinyonyoa anu ihansunanmo nu Belento aiya po ule' ahi' montaligalai.

MAZMUR 51:12

Pojadiakon mae na kinyonyoangku anu madi' ko galo-galo'nyo o Tumpu, po ule' bau mae da bu'ou na kinyonyoangku ka' ko kasabanan ahi'.

MAZMUR 79:9

Tulungiakon mae na kami o, Tumpu, Anu momposalamat mae kami, ampuniakon mae na dosa' mami iwi-iwi' ka' pobebasmo mae na kami da Belento o holomati.

MAZMUR 85:13

Tumpu mombee'imo mae anu ma'ima', sahingga tano' to mombee'imo hasinnyo.

AMSAL 4:11

Aku nompogulu'mo kapandean bapikin hi beleyum ka' nompotiju'mo mosia na kantumuu'an anu totu'u.

AMSAL 8:20

Aku mombatuki jalan anu adin, aku malalangkas i jalan anu madi' tageo' na kinyonyoa.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YEREMIA 31:25

Aha anu nalawemo Ku pohosonmo ka' anu ilundengmo kalana no'ohopmo Ku pobosumo.

YEREMIA 31:8

Lengkat mae isasu utara sinule'akon-Kumo na aha Pinosihukumo na aha lengkat mae ipuus nu tano'. Mian anu napisokmo tiba mian anu kinapi'mo mambamo hingga-hinggat tiba aha, ka' suele boune anu sala'je nompohampe anak tiba anu poboa malia'mo monganak. Aha iwi-iwi' po ule'mo mae toka ka' manjoo'mo hondo na mamba mae ilipu' aiya.

YEHEZKIEL 20:14

Panyo aijo' madi' binaung-Ku kalana monginau' kaholomatan nu sanggong-Ku, da sanggong-Ku boli mae o'alu nu to bansa-bansa anu nontoa mae Aku nomboa mae aha Israel nosabat lengkat mae i Mesir.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.