MAZMUR 22:7 - KITAB NU TUMPU ALLA LELE MA'IMAI'

⁷ Panyo aku aiya ias, misa' manusia, o'alu ka' opopo'ambang nu mian da'isan.

MAZMUR 22:7 ပူးပေါင်းရင်းမြစ်များ

AYUB 12:4

Aku kinokojoanmo nu sangalu ka' mian anu mompahasumbu', yo aitu aku aiya hondo ahi' ka' madi' ahi' ko kasala'an. U'utu mae tinaaman nu Tumpu Allah na do'angku, de aku momoita tulung.

AYUB 16:10

To mia-mian lewa'mo nongkokojoi aku, nu nganga'akon nu aha daka-daka' na nganga' nu aha lewa' mongalu aku; aku ilibutanmo nu aha ka' i hapa'mo nu aha na gagisingku.

AYUB 16:4

De bisuannyo belemiu aiya aku, ka' aku aiya na belemiu, aku suele timbalimo motatae sumo belemiu atina'. Mingiaba'mo na potataengku moitina' hi belemiu; ubaku ku lilo-lilokakonmo.

MAZMUR 109:25

To mia-mian anu montoa mae aku, mongalu mae aku ka' molilo-lilokakon ubak.

MAZMUR 31:18

Boli opojohok mae na aku mohumpak ambang, o Tumpu, kalana aku nongkakasemo hi Belento. Pojohok na mian anu ma'idek na palabuatannyo opopo ambang, ka' hoko-hokot aha mintatau'mo idunia nu mian anu sinilakamo.

MAZMUR 44:14

Pinotimbalimo nu Belento na kami sola' nu kokojoi nu mian anu mompaha ohani tiba kami aha sola'mo mongalu ka' mongkokojoi kami.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

YESAYA 57:4

Ihe na okokojoi nu belemiu? Ihe na anu o, alu na belemiu? Temisa' belemiumo ahi' na tulunan nu mian anu talalo baleko' ka' anu saja' mombau hengge'?

MATIUS 27:29

Aha noombau sa'angu' na makota kandang anu ko hii'nyo, ka' pinosoku' i ubak i Yesus. Lapas aitu aha nompotoong sangkau na tokon pinotoong-Nyo i lima, i sasu koanan-Nyo, lantas tinolodadupu na aha i ahop-Nyo ka' nompopo'ambang Ia. “Soosa' Tomundo Mian nu Yahudi!” na koonyo nu aha.

MATIUS 9:24

Ia notatae hi aha, “Posabat na komiu iwi-iwi'! Anak aiya madi' sinilaka; ia ola ahi' hoyot.” Aha iwi-iwi' nongkokojoi Yesus.

MARKUS 15:20

Pinoko kabiangan nu aha na i Yesus, aha nongukatakonmo jubah mingkamumu' aijo' lantas po'ule' pinopusokakon nu aha na posi baju-Nyo. Lapas aijo' sinabatakonmo nu aha na Ia da o salibkanmo.

MARKUS 15:29

To mia-mian anu motulu i kiijo' ko lilo-lilokmo na ubak ka' montaloakon potatae mompopo'ambang i Yesus. Aha notatae, “Ee, Beleyum na anu mongka'oho' mongidei Laigan nu Tumpu, ka' po'ule' mompotinjo ola i uno nu tolun sinaa.

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

LUKAS 23:11

I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.