MAZMUR 22:3 - KITAB NU TUMPU ALLA LELE MA'IMAI'

³ O Tumpu-ngku, aku nongkakase sina-sinaa, panyo Belento ola ahi' nomohokot. Aku binalado'a pihi-pihi, panyo kinyonyoangku madi' ahi' tenda.

MAZMUR 22:3 ပူးပေါင်းရင်းမြစ်များ

AYUB 19:7

Aku lewa'mo tinumatuhun kalana talalomo ahi' na pinonsakisa-Nyo aijo', panyo mau pe'e samian madi' ko anu nontoa mae aku. “Iya na ka'adilan,” koonyo nu loboo'ku, panyo madi' ko anu nohongo mae aku.

AYUB 30:20

Aku nomoitamo tulung hi Belento, O Tumpu Allah, Belento madi' mae nontaami; de aku balado'a, belento madi' mae mompajuli.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 65:1

Anu mongkapalai panyanyi. Mazmur i Daud. Nyanyian.

MAZMUR 88:2

O, Tumpu, Tumpu Allah anu nomposalamatmo aku, de sinaamo aku mongkakasemo hi Belento, de pihimo aku mangadapmo hi Belento.

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

HABAKUK 1:2

O Tumpu sampe toka hipian na aku tionyo ahi' momoita da otulungi? Hipian na Belento mohongo mae ka' momposalamat kami da bolimo osansalai?

PO'ULE' INGULIT 10:21

Opuji' na Ia kalana Ia Tumpu Allah nu belemiu. Posi matamo nu ubak miu na nontoa palabuataan anu toto daka-daka' hondo ka' okabuhuk apaa na anu binau-Nyo hi belemiu.

ANU PINOTO'I HI YOHANES 4:8

Opa-opat na malaikat aijo' toto sa'angu' ko polipiknyo anom, ka' i titikubnyo ka' i sasu unonyo kaho matanyo. Sinaa ka' pihi malaikat haha aijo' madi' momohokot na manyanyi, “Susi', susi' na Tumpu Anu Matangkas na kuasanyo; anu daagi', ka' anu daagi'mo, ka' anu saja' daagi' sidu-sidutu'.”