MAZMUR 22:27 - KITAB NU TUMPU ALLA LELE MA'IMAI'

²⁷ Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 22:27 ပူးပေါင်းရင်းမြစ်များ

1 TAWARIKH 16:10

Olamo Ia na Tumpu Anu Sa'a-sa'angu'nyomo; balame-lame', kalana kita Ia na tumpunyo; iwi-iwi' na anu monsombah Ia tionyo ahi' lame'.

MAZMUR 102:22

Sahingga sanggonyo obebakonmo kiijo' i Sion, ka' Ia lewa'mo o puji' kiijo' i Yerusalem.

MAZMUR 117:1

O puji' na Tumpu, o, iwi-iwi' na bansa, opopodaka' na Ia, o tulunan nu bansa iwi-iwi'!

MAZMUR 2:8

Poitamo mae, saba' iwi-iwi' na bansa Ku bee'mo hi beleyum, ka' songko-songko na dunia Ku bee'mo beeyumo na tumpunyo.

MAZMUR 69:33

Montoa han aijo' mian anu sinakisamo lame'mo, mian anu monsombah Tumpu bilahimo.

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

MAZMUR 72:8

Kalaja'annyo mompaka pintuangmo lengkat mae i ambai santoanyo toka-toka i ambai santoanyo mule', ko ewanyo lengkat mae i sasu kabete'an toka-toka i sasu kinsoban.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

MAZMUR 96:7

O puji' na Tumpu, o belemiu manusia, o puji' na Ia anu talasanggo ka' anu mahoson!

MAZMUR 98:3

Ia nonginau'mo kalibosan ka' kanonongan-Nyo, hi Israel, hi mian anu palesayamo hi ia. Iwi-iwi' na bansa, i songko-songko na dunia nontoamo ka'untungan nu Tumpunto nahampate.

YESAYA 29:19

Aha to mia-mian anu kasiasi ka' anu madi' ko angga'nyo poule'mo molasai kantumuu'an anu ma'ima' anu binee'mo nu Tumpu Israel anu susi'.

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 49:12

Lengkat mae ilipu' anu majo'on singkapmo mae toka na mian anu palesayamo hi beleng-Ku, lengkat mae isasu utara, ka' mule' isasu kinsoban ka' mule' Sinim anu isasu salatan.”

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

NOMBILANGMO 10:32

De beleyum mombatukimo saba' iwi-iwi' na anu ma'ima' apaa na anu nubau nu Tumpu hi kami, obau mami hi beleyum.”

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”