MAZMUR 22:16 - KITAB NU TUMPU ALLA LELE MA'IMAI'

¹⁶ Gogohongku notismo susumo kubengan nu palasilen jila'ku naningkampitmo i ngahangku. O Tumpu, pinala'ianmo nu Belento na aku aijo' i abu' susumo mian anu sinilakamo.

MAZMUR 22:16 ပူးပေါင်းရင်းမြစ်များ

MAZMUR 22:1

Anu mongkapalai panyanyi. Lagunyo ingala i lagu nu nyanyian: Jonga de sinaa tolohinsi'mo mae. Mazmur i Daud.

MAZMUR 22:20

Panyo Belento, boli matikojo'on, o Tumpu, tokamo mae lia-lia' montulungi aku kalana olamo hi Belento na kahosonanku.

MAZMUR 38:11

Sulengku nangada'mo kahosonanku imadi'anmo matangku montoa me opiha-pihau'.

MAZMUR 59:14

Silakaimo na aha kalana nonsaduakonmo da Belento notambuha'mo, o, Tumpu, silakaimo na aha iwi-iwi' bolimo ko anu mompotumuu'. Sahingga batu-batu mian monsumbu'je taalu' Tumpu na mompalentah nu Israel, ka' Ia mompalentah songko-songko na dunia.

MAZMUR 59:6

Tinjomo mae, o, Tumpu Anu Matangkas na Kuasa-Nyo, tulungimo mae na aku. O, Tumpu Israel, sakisiakonmo mae. Pobungkutmo mae, ka' hukumo na to bansa-bansa, bolimo mongkalibosi mian anu ma'idek na kinyonyoanyo anu saja' mombau ka'idekan.

MAZMUR 86:14

O, Tumpu, mian anu buulon mambamo mae montumbuhi aku, sanggombu na mian anu toto sisinggi kahanda'mo mompatei mae aku; aha madi'mo mompajuli Belento.

YESAYA 53:5

Panyo ia binelaan kalana iwi-iwi na dosa'to, ka' dinoke kalana palabuatanto ma'i-ma'idek. Ia i hukum da kita oposalamat kalana belanyo haha aijo', kita i na'alinmo.

YEREMIA 12:6

Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

MATIUS 26:57

To mia-mian anu nohakop i Yesus, nomboa Ia i laigan nu Imam Daka' i Kayafas. I kiijo' to gulu-gulu' agama ka' to pola-polaya' nu Yahudi binala gombumo.

MATIUS 27:35

Lapas aijo' aha nonsalibmo Ia ka' nombagi-bagimo baju'-Nyo ingonde na nombagi.

MATIUS 7:6

Boli o bee' na han anu susi' hi dedeng, da dedeng aijo' boli mobalik ka' mololo' beleyum. Ka' boli mombee' mutiara i bau', da bau' aijo' boli mompeja-peja' mutiara aijo'.”

MARKUS 15:24

Lapas aijo' sinalibmo nu aha na Ia, ka' nombagi-bagi baju'-Nyo binauakon undi da montantukan bagi nu toto samian.

LUKAS 23:23

Panyo aha saja'mo noloboo' hoso-hoson, tukoonyo nu aha i Yesus tionyo o salib. Ka' ahennyo tinangala i loboo' nu aha.

LUKAS 23:33

Salatan tinoka i tampat anu osanggohi, “Popoke',” aha nomposalibmo i Yesus ka' ua'aha na mian ma'idek aijo' – samian i sasu koanan ka' samian mule' i sasu kewe' i Yesus.

YOHANES 19:23

Ilapas na suludadu haha aijo' nonsalib i Yesus, aha nongalamo baju'-Nyo. Baju'nyo aijo' binagi opat: toto samian nohumpak sambahagian. Aha nongala mule' juba'-Nyo. Juba' aijo' madi' ko ka'utannyo – tinonun lengkat mae bawo toka-toka i aluknyo.

YOHANES 19:34

Panyo sihung i Yesus sinusuk nu talombo' nu sala'samian suludadu haha aijo'; balo nosabat na baso' tiba uee.

YOHANES 19:37

I uno nu Kitab nu Tumpu tinulis, “Aha montanggalakonje Ia anu sisinusuk nu aha.”

YOHANES 20:25

Sahingga anu saja' mombatuki Yesus sangga'at notatae hi Tomas, “Kami nontoamo i Tumpu!” Panyo i Tomas nontaami, “De ma'isa ku toa na pinompaku'an lima-Nyo, ma'isa ku susukakon na bua' nu limangku i anu bine-binelan nu paku aijo', ka' ma'isa ku susuk nu limangku na sihung-Nyo, madi' hondo aku mongka'oho' palesaya.”

YOHANES 20:27

Lapas aijo' koo-Nyo i Yesus hi Tomas, “Toa na limang-Ku, ka' posusuk na bua' nu limaum i aiya. Tajuakon mae na limaum ka' posusuk i sihung-Ku. Boli daagi' bata-bata, panyo palesayamo!”

FILIPI 3:2

Obala'ingati na to mia-mian anu mombau to hahan anu ma'idek, to mia-mian anu konamo na osanggohi ‘dedeng’. Aha mompakisa da to mia-mian o sunat.

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.