MAZMUR 22:15 - KITAB NU TUMPU ALLA LELE MA'IMAI'

¹⁵ Kahosonanku iningkotmo sumomo uee anu tinombulokmo, iwi-iwi' na bukungku tinalabakasmo i losuannyo, kinyonyoangku jinumujumo susumo lilin.

MAZMUR 22:15 ပူးပေါင်းရင်းမြစ်များ

KAJADIAN 18:27

I Abraham po'ule' mule' notatae, “Ampuniakon mae na kabaanianku mompaka potatae mule' susumo uuka, o Tumpu. Aku aiya ola manusia madi' ko hak montaloakon apa-apaa.

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

2 SAMUEL 14:14

Kita suele iwi-iwi' silaka; kita aiya sumomo uee anu nobubusmo i tano' madi'mo opoko ala po'ule' opolimu'. Tumpu Allah madi'mo po'ule' mompotumuu' mian anu sinilakamo; kalana aijo' tionyo ahi' o'usahakaon nu belento Tuanku da mian anu binoamo i tano' majo'on po'ule' mae minsusule'.

AYUB 10:9

Boli okolilimi saba' aku aiya tano' na binau nu Belento! Te toho' mule' aku aiya po'ule'mo nupotimbali nu Belento abu'?

AYUB 19:20

Butongku me kilit na kampi-kampit i buku; me ise-ise' aku sinilakamo ka' nyawangku nobotu'mo.

AYUB 29:10

ka' suele anu o'angga'i madi'mo motatae.

AYUB 30:16

Uuka aiya aku kinoboli' natemo; madi' gana' ko kapaga'annyo na kasansalanku.

AYUB 34:15

saba' silakamo iwi-iwi' na anu ko nyawanyo, ka' manusia po'ule'mo timbali abu' susumo momonanyo.

AYUB 7:21

Te madi'mo Belento timbali mongampuni dosa'ku? Te madi'mo timbali Beleyum monsapui kasala'anku? Madi'mo pin aku male'mo i uno nu polamunan ka' de aku nulio nu Belento madi'mo daagi' nuhumpak nu Belento.”

MAZMUR 104:29

De Belento molipai madi'mo montonto'i, aha mabuhukmo; de o alamo nu Belento na santuu'nyo nu aha, aha silakamo, ka' po'ule'mo timbali abu' susumo, momonanyo mae.

MAZMUR 30:9

Hi Belentomo o Tumpu na aku mo motatae, hi Tumpu ahi' na pongkakaseanku,

MAZMUR 38:10

O Tumpu nu sumbu' iwi-iwi' apaa na anu ku indi, pengeluhanku madi' tompohowini hi Beleyum.

MAZMUR 69:21

Alu nu mian nonsaduakonmo da aku ihentemo na kinyonyoangku, ka' madi'mo kino pikilan pa' apaa na obau. Iliongku na anu mongkalibosi mae panyo ola pinalasuma iliongku na anu momposanang kinyonyoa panyo madi' ahi' ihumpakku.

MAZMUR 69:3

Aku tinopolosmo i tampalang anu maleeng hondo, madi'mo kinopanimpeja'an. Aku tinonu'mo i uee anu maleeng hondo, inganjuhakonmo nu ambai anu binundokmo.

AMSAL 17:22

Kinyonyoa anu lame' momposehat butong; panyo kinyonyoa anu susa' monsaduakon da madi'mo kogia' mombau apa-apaa.

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

MOHAANGI 4:4

To bunga-bunga mea' madi'mo daagi' pinosusu, sahingga sinilakamo nu megot. To ana-anak momoita mongkaan, panyo madi' ko anu mombee'i.

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

MATIUS 27:50

Lapas aitu i Yesus noloboo' mule' daka-daka', lantas nompopupusmo nyawa-Nyo.

YOHANES 19:28

Sinumbu'mo i Yesus uuka aiya iwi-iwi' ilapasmo, ka' da apaa na tinulismo i uno nu Kitab nu Tumpu aijo' sidamo, Ia notataemo, “Aku negotmo.”

1 KORINTUS 15:3

Apaa na anu pinotokangkumo hi to Utu-utus, atina'mo na anu titinalimangkumo suele. Anu penting, sumo anu tinulismo i Kitab nu Tumpu, pinotokangkumo hi komiu saba' i Kristus sinilaka kalana to dosa-dosa'to;