MAZMUR 21:9 - KITAB NU TUMPU ALLA LELE MA'IMAI'

⁹ Nuboamo iwi-iwi' na anu monsampobali' ia ka' nu hakopmo iwi-iwi' na mian anu mongka'ideki Ia.

MAZMUR 21:9 ပူးပေါင်းရင်းမြစ်များ

KAJADIAN 19:28

Ia nontanggalakon sasu Sodom ka' Gomora ka' songko-songko na bangka'nyo, ka' nontoamo tibuk kino sipu-sipuhamo lengkat mae i tano' aijo', susumo tibuk anu lengkat mae i polu' anu talenga'nyo hondo.

EZRA 6:12

O' amalakon da Tumpu Allah anu nompile'imo Yerusalem salaku tampat bau ponsomban Ia, mompatei batu-batu tomundo kabai bansa anu baani molanggai palentah aiya, ka' mongkahanda'i mongidei Laigan nu Tumpu kiijo' i Yerusalem, Aku, i Darius nombee'mo palentah aiya. Obau na palentah aiya ma'i-ma'ima'.”

AYUB 6:3

Mokonyo aitu, bolimo okatalanggangakon de potataengku madi' talalo opotutugakon ka' mule' talalo ko sia-sia'.

MAZMUR 106:17

Lantas tano' nobiha'mo nolonyomo i Datan, nontambunimo i Abiram ka' aha sa'anakan.

MAZMUR 18:38

Tinuloi'kumo na sampobali'ku ka' pinatundu'kumo na aha ka' madi' aku tinolosule' sahingga aha sinilakankumo.

MAZMUR 18:8

Lantas tano' ginayu'anmo ka' ginenggohanmo, pu'un nu bungkutnyo iwi-iwi' tinolohenggomo ka' ilangkakatanmo kalana Tumpu notambuha'mo.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 2:5

Lantas notambuha'mo na Ia ka' sinegan-Nyomo na aha, ka' tinolokengkengmo kalana Ia notambuha'mo.

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

MOHAANGI 2:2

Batu-batu padang hemput ilipu' nu aha Yehuda madi'mo daagi kinokalibosan na Ia no hansuni. I uno nu kapusan-Nyo tinumbalakon-Nyomo sampe nohobo'mo na to bente-benteng anu mompagan lipu' aijo'. Kalaja'an aijo' tibamo to pola-polaya'nyo binau-Nyomo da pinatundu' sahingga na ambangmo.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MATIUS 13:42

Aha iwi-iwi' olumbu'akon i uno nu tolukun anu ko apunyo ka' moak hondo; i kiijo' aha humaangje ka' mongoa'i sansala.

MATIUS 13:50

Lapas aijo' to mia-mian ma'idek aijo' o'alinmo i uno nu tolukun anu ko apunyo. I kiijo'mo na aha humaang ka' mongoa'i sansala.”

MATIUS 22:7

Salatan tomundo aijo' nohongo han aijo', ia pinusa hondo. Ia nonsai suludadunyo da mompatei anu lewa' mompatei aijo' ka' nompapui kota nu aha.

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 25:46

Saba' to mia-mian aijo' o hukummo nu hukuman anu sampe toka sidu-sidutu', panyo komiu to mia-mian anu mombau kahanda' nu Tumpu, mongoa'i kantumuu'an talakana' ka' sampe toka sidu-sidutu'.”

MATIUS 3:10

Bobolo' sinadiamo bau pontaa' kau' toka i baka-bakatnyo. Toto sampu'un anu madi' mohasinakon bua'nyo anu ma'ima' tionyo o taa' ka' o alin i uno nu apu.

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.

ANU PINOTO'I HI YOHANES 20:14

Lapas aijo' Kapatean ka' Dunia Kapatean i lumbu'akonmo i uno nu apu anu sumo ndalangon. (Apu anu sumo ndalangon aiya, atina'mo na kapatean anu kopinduannyomo.)