MAZMUR 21:6 - KITAB NU TUMPU ALLA LELE MA'IMAI'

⁶ Kalana tinulunganmo nu Belento, ia ingangga'anmo hondo pinotimbalimo nu Belento na ia da tinalasanggomo ka' binilahimo.

MAZMUR 21:6 ပူးပေါင်းရင်းမြစ်များ

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

2 SAMUEL 7:9

Aku saja'mo nonsangalui beleyum maumo pa' moyaya na beleyum, ka' sampo bali' nu beleyum iwi-iwi' singkapmo ihopu'an-Ku tempo'nyo beleyum nahampate. Beleyum Kupotimbalimo mian anu talasanggo susumo mian anu talasanggo i dunia aiya.

1 TAWARIKH 17:27

Kalana aijo' kukakase, de tibali balakatiakonmo mae na lee'ku da sampe toka sidu-sidutu' aha saja' mongoa'i kalibosan nu Belento. Kalana belento nombalakatimo mian anu pinalesayamo hi belento, o Tumpu sahingga aha saja' obalakati sampe toka sidu-sidutu'.”

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 43:4

Sahingga aku mompanjolongimo mezbah nu Tumpu, mangadap hi Tumpu anu pinolengkatan mae nu ka'ima'an nu kantumuu'anku. Aku manyanyimo ka' mongkuti'mo kasapi', bau pompuji' Belento, O Tumpu, Tumpungku.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

SISIKON NU TO RASUL-RASUL 2:28

Beleyum nompotiju'mo jalan anu mompatui kantumuu'an talakana' ka' sampe toka sidu-sidutu'. Kabilahianku talalo daka' hondo, kalana Beleyum mosangalu tiba aku.’

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

GALATIA 3:9

I Abraham palesaya sahingga ia binalakatan. Sumo aitu mule' iwi-iwi' na mian palesaya, nubalakatije pokakana sumo i Abraham.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.